Levitikɔs 11:13 - EBƆRƐ BE KAWƆL

^13-19 Mbuibi nɛ a maŋ walɛso nsaa maŋ daga fanɛ men baa ji amo ŋkpal a ka la ekishi so nde: Kusore nɛ gbuŋgbula nɛ kɔl nɛ lambɛ nɛ kɔlfɔɔti nɛ margaati nɛ jita nɛ mɔmɔ nɛ nyiŋgbeŋ nɛ luku nɛ tɔkɔrkɔ nɛ kelɛkelɛ nɛ ebɔrɛ be kabuibi nɛ kɔŋkɔŋ.

Levitikɔs 11:13 ပူးပေါင်းရင်းမြစ်များ

Job be kawɔl 28:7

Basa nɛ baa kur kasawule a fin abɛlso bee yɔ mboŋ nɛ kusore maŋ tiŋ n wu ŋko ejita maŋ naŋ firgi m bɔla ndoŋ n choŋ nna.

Job be kawɔl 38:41

Wanɛ e naa sa ejɔnɔkoso nɛ amo be bibi ajibi jemanɛ nɛ akoŋ kɔ amo nɛ a bee shu a tre ma a fin ajibi na?

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 48:40

Enyɛnpe Ebɔrɛ na daŋ nase kɔnɔ nna fanɛ efuli ko beeŋ ba parga kumo be atɛ to m buu Mowab so n fuu kumo fanɛ kusore na.

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Levitikɔs 11:11

Le be asɔ ere kikɛ la ekishi nna, a maŋ daga men ji ŋko m beta amo be kuwuso gba.

Levitikɔs 11:12

Men sa maŋ kaŋ ji nchu to be kusɔ keniso kama nɛ k maŋ kɔ afafaribi, ŋkpal manɛ so, a la ekishi nna n sa menyi.

Habakuk 1:8

Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.

Zakareya 5:9

Ŋ ka naŋ maŋ kumu so ŋ keni esoso nɛ n wu beche anyɔ ko nɛ b kɔ tɔkɔrkɔ be atɛ lempo ka firgi m ba ŋ kutɔ m ba fuu kelantaŋɛ na n firgi a yɔ.

Matiu 24:28

Kaplɛkama nɛ kusɔ wuso dese, ndoŋ nɛ ejita bee chala a mel.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.