Levitikɔs 10:6 - EBƆRƐ BE KAWƆL

⁶ Kede be kaman nɛ Mosis kaŋɛ Ɛɛrɔn nɛ mbe mbinyɛnsobi, Eliazaa nɛ Itama: “Men sa maŋ kaŋ jija menyi be anishiakpa ŋko ŋ kpɛa menyi be asɔbuuso to a ŋini fanɛ menyee shu keeli nna. Men baŋ wora loŋ menyeeŋ wu. Enyɛnpe Ebɔrɛ na malɛ beeŋ nya agbo n wora kade na kikɛ. Ama men kurgepoana Israɛlebi na bre beeŋ tiŋ n shu ŋkpal bumo nɛ Enyɛnpe Ebɔrɛ na shin nɛ edɛ chɔɔ m mɔ na so.

Levitikɔs 10:6 ပူးပေါင်းရင်းမြစ်များ

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

Ɛzra 7:5

Bukki mo tuto e daa la Abishuwa nɛ mo alɛ mo tuto daa la Finihas. Finihas mo tuto e daa la Eliaza nɛ e daa la bɔrɛmatapo nimuso Ɛɛrɔn pibinyɛn.

Ɛksodɔs 33:5

B daŋ wora ade kikɛ nna ŋkpal Enyɛnpe Ebɔrɛ na ka daŋ kaŋɛ Mosis le so: “Men la amukpakpasowuraana nna. M baŋ tu menyi n yɔ anishito gbrɛ kama gba, meeŋ mur menyi kuraa, amoso ekama e lara mbe abitasɔ mo so pɔɛŋ nɛ n yili kusɔ nɛ meeŋ wora menyi na.”

Ɛksodɔs 6:23

Nɛ Ɛɛrɔn malɛ ta Elisheba nɛ e daa la Aminadab pibiche nsaa la Nashɔn malɛ mo sipoche na ŋ ki mbe eche nɛ mo nɛ mo kurge Nadab nɛ Abihu nɛ Eleazar nɛ Itama.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Levitikɔs 13:45

Esa kama nɛ e bee lɔ kulɔ lubi daga e baa buu asɔfarbi nsaa maa mɔ mbe emin to nna. Mo alɛ e baa ta wajɛ a buu mbe kamuna so a gbelge mbe eyur so nsaa nite a ponte to a kaŋɛ, ‘M maŋ walɛ so, m maŋ walɛ so!’

Maika 1:16

Judaebi, men she men be amu ŋkpal kagbenejija nɛ k beeŋ tu menyi ŋkpal men be mbia shasoana so. Men she men be amu kɔlikɔli fanɛ ejita be amu na ŋkpal manɛ so, baaŋ pɛ men be mbia shaso ŋ ki anya n yɔ efuli pɔtɛ wɔfɔ so.

Nɔmbɛs 1:53

Ama Livaiebi na bre beeŋ yuu bumo be ewajɛbuana n chena ŋ kulti Enyɛnpe be wajɛbu na a kuŋ kumo, saŋɛ na so, esa kama maaŋ taga kumo to n shin nɛ n nya agbo ga n wɔtɔ Israɛlebi kikɛ.”

Nɔmbɛs 14:6

Nɛ Nun pibinyɛn Joshuwa nɛ Jefune pibinyɛn Kalɛb nɛ b ti basa nɛ b ya dara kasawule na so na kpɛa bumo be asɔbuuso to kagbenejijaso

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

Nɔmbɛs 20:25

Amoso keta Ɛɛrɔn nɛ mo pibinyɛn Eliaza n yɔ kebeegboŋ nɛ baa tre Hɔɔr na so

Nɔmbɛs 5:18

Kumo be kaman nɛ eche na e deŋi mbe shata nseŋ ta sarga nɛ b kɔ aboyunyifu a lara na ŋ keta, nɛ bɔrɛmatapo na malɛ e keta kaba na nɛ nchu kekra nɛ a bee bar kɔnɔsho na.

Ditɛronɔmi 33:9

Fo nɛ baa nu a sa a chɔ bumo kurgepoana nɛ bumo niopibiana nɛ bumo be mbia. Kusɔ nɛ fo kaŋɛ kenishipere so na nɛ baa wora kasonu, nsaa ji kashenteŋ a sa fo kɔnɔkoŋwule be ŋkre na.

Joshuwa 22:18

Ŋko menyee sha nna nɛ men pal kaman n sa Enyɛnpe Ebɔrɛ? Men baŋ kini kenu n sa Enyɛnpe Ebɔrɛ kabre, echefoso, mo alɛ beeŋ nya agbo n wɔtɔ Israɛlebi kikɛ.

Joshuwa 22:20

Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.