Levitikɔs 10:2 - EBƆRƐ BE KAWƆL

² Epul to nɛ Enyɛnpe Ebɔrɛ na shin nɛ edɛ ba buu bumo so n chɔɔ bumo m mɔ.

Levitikɔs 10:2 ပူးပေါင်းရင်းမြစ်များ

2 Samuɛl 6:7

Epul to nɛ Enyɛnpe Ebɔrɛ na nya agbo ga n wɔtɔ Uzza nseŋ mɔ mo, ŋkpal e ka maŋ sa mo bunyaŋ so. Uzza daŋ wu n dese ŋkre be deka na ase nna.

1 Bewura 13:28

nɛ e dii kurma na m bɛ so n ya wu kanyɛn na be kebuni na ka dese kubɔrbi so nɛ kurma na nɛ buluŋ na yil kumo ase. Buluŋ na daa maŋ we kebuni na, kumo alɛ daa maŋ pɛ kurma na gba.

1 Bewura 18:38

Epul na to nɛ Enyɛnpe Ebɔrɛ shin nɛ edɛ ba chɔ sarga na nɛ ndibi na nɛ ajembu na nɛ shishɛr na, nɛ nchu nɛ a wɔ kemaŋ nɛ b kur ŋ kulti sarga na kikɛ feeto kuraa.

2 Bewura 1:10

Nɛ Elaija malɛ kaŋɛ le: “Nɛ n la Ebɔrɛ be esa kashenteŋ nna, kumo ere Ebɔrɛ e shin nɛ edɛ e shi esoso m ba chɔɔ fo nɛ fo basa ere kikɛ m mɔ!” Epul to nɛ edɛ shi esoso m ba chɔɔ benapo be enimu na nɛ mbe benapo na kikɛ m mɔ.

2 Bewura 1:12

Nɛ Elaija malɛ kaŋɛ le: “Nɛ n la Ebɔrɛ be esa kashenteŋ nna, kumo ere Ebɔrɛ e shin nɛ edɛ e shi esoso m ba chɔɔ fo nɛ fo basa ere kikɛ m mɔ!” Epul to nɛ edɛ shi esoso m ba chɔɔ benapo be enimu na nɛ mbe benapo na kikɛ m mɔ.

1 Kronikɛls 13:10

Epul na to nɛ Enyɛnpe Ebɔrɛ nya agbo n wɔtɔ Uzza nseŋ mɔ mo ŋkpal e ka teŋi enɔ m beta deka na so. E daŋ tɔr Ebɔrɛ be anishito nna n wu.

1 Kronikɛls 15:13

Ŋkpal men ka daa maŋ wɔtɔ nɛ men sulɔ kumo sososo na so, Enyɛnpe Ebɔrɛ daŋ gberge anyi kusoe nna ŋkpal anyi ka daa maŋ wora kusɔ nɛ k daga so.”

1 Kronikɛls 24:2

Nadab nɛ Abihu bre daŋ wu nna pɔɛŋ nɛ bumo tuto wu. Bumo alɛ daa maŋ kurge mbinyɛnsobi, amo so nɛ Eliaza nɛ Itama daŋ ki bɔrɛmatapoana na.

Job be kawɔl 1:16

Kabɔ na kraa malga nna nɛ enyɔsopo shile m ba kaŋɛ le: “Bɔrɛ nyɛkpɛ nna m ponte mbolpɔ na nɛ mbolpɔkpapoana na m mɔ. N nawule e nya n shile m ba nɛ m ba kaŋɛ fo kusɔ nɛ k wora.”

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Ɛksodɔs 24:1

Kachako nɛ Enyɛnpe Ebɔrɛ kaŋɛ Mosis le: “Fo nɛ Ɛɛrɔn nɛ Nadab nɛ Abihu nɛ Israɛlebi be bejuŋkparpo adushunu e ba ma kutɔ ashi kebee ere ase nfe. Ama pɔɛŋ nɛ men fo kumo men feŋ n yili m bunyaŋ ma.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Levitikɔs 10:5

Ndoŋ nna nɛ b ba pɛ bubuni na be asɔbuuso to ŋ gbeye bumo n lar keeyi na to fanɛ kananɛ Mosis kaŋɛ na.

Levitikɔs 16:1

Ɛɛrɔn be mbinyɛnsobi anyɔ nɛ b daŋ wu ŋkpal b ka daŋ chɔɔ edɛ nɛ a maŋ du cheembi n yɔ Enyɛnpe Ebɔrɛ na be anishito na so be kaman, nɛ Enyɛnpe Ebɔrɛ na naŋ kaŋɛ Mosis le:

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Nɔmbɛs 14:37

Amoso e daŋ shin nna nɛ aleblawu be kulɔ mɔ loŋ be basa na kikɛ.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Nɔmbɛs 16:49

Basa ŋgboŋ kuduana nɛ alfa ashunu nɛ aleblawu na daŋ mɔ. B daa maŋ karga Koora nɛ mo braana bre n ti so.

Nɔmbɛs 26:61

Nadab nɛ Abihu e daŋ wu ŋkpal b ka chɔɔ sarga be edɛ nɛ k maŋ daga so n sa Enyɛnpe Ebɔrɛ na.

Ashuŋ Shunso 5:10

Epul na to nɛ e tɔr Pita be anishito ndoŋ n wu. Nɛ mbrantiɛbi na ba wu mo nɛ e wu a dese nɛ b sulɔ mo n lar n ya puli m mata mo kul.

Ashuŋ Shunso 5:5

Ananiyas ka baŋ nu kesheŋ ere nɛ e tɔr n wu epul na to nɛ kufu pɛ bekama nɛ b nu kumo be asheŋ na ga.

1 Kɔrintebi 10:11

Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

1 Samuɛl 6:19

Enyɛnpe Ebɔrɛ daŋ mɔ Bɛf Shimɛsh be benyɛn adushunu kikɛ nna ŋkpal b ka jule ŋ keni ŋkre be deka na to so. Nɛ basa na shu keeli ga ŋkpal basa damta nɛ Enyɛnpe Ebɔrɛ mɔ na so.