Levitikɔs 10:13 - EBƆRƐ BE KAWƆL

¹³ Men baa ji kumo kakpa cheembi, ŋkpal manɛ so, k la menyi nɛ men be mbinyɛnsobi be kachige nna ashi ayu be sargajibi nɛ baa lara a sa Enyɛnpe Ebɔrɛ na nna. Kusɔ nɛ Enyɛnpe Ebɔrɛ na yili n sa ma nna na.

Levitikɔs 10:13 ပူးပေါင်းရင်းမြစ်များ

Ezikɛl 42:13

Ndoŋ nna nɛ kanyɛn na kaŋɛ ma le: “Nwu anyɔ ere kikɛ la mboŋ cheembi nna. Amo to nɛ bɔrɛmatapoana nɛ baa luri a yɔ Enyɛnpe Ebɔrɛ na be anishito na beeŋ baa chena a ji esargajibi cheembi na. Ebuana na ka du cheembi so, ndoŋ nɛ bɔrɛmatapoana na beeŋ baa ta ayu be esarga nɛ alubi be esarga nɛ kewora n jija be esarga cheembiana na a wɔtɔ.

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 10:14

Ama menyi nɛ men be mbinyɛnsobi nɛ bechesobi kikɛ beeŋ tiŋ n we asɔbɔya be ŋgbene nɛ ebɛaŋ nɛ baa maŋ so awɔlto a ŋini fanɛ a la kakɛgboŋ nna n sa Enyɛnpe Ebɔrɛ na nsaa la bɔrɛmatapoana be kachige na. Men baa we amo kakpa cheembi, ŋkpal manɛ so, a la menyi nɛ men be mbia be kachige nna ashi Israɛlebi be kɔnɔkoŋwule be esarga to.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 6:16

Kumo be kaman nɛ bɔrɛmatapoana na e ta amo nɛ a ka na n wora bodobodo nɛ yiisi maŋ wɔ amo to n we ashi wajɛbu na be kelɔnɛ cheembi na so. Enyɛnpe Ebɔrɛ na e ta amo n sa bumo nɛ a baa la bumo be ayu be sargajibi to be kachige. Kananɛ kulubi nɛ kewora n jija be esarga du cheembi na nɛ bodobodo na gba du.

Nɔmbɛs 18:10

Le be asɔ ere la asɔ cheembi nna, amoso benyɛn nawule e chena kakpa cheembi n ji amo.

Nɔmbɛs 5:10

Kakɛ kama malɛ nɛ b ta n sa bɔrɛmatapo kikɛ na la mo gbagba peya nna.