Levitikɔs 10:12 - EBƆRƐ BE KAWƆL

¹² Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 10:12 ပူးပေါင်းရင်းမြစ်များ

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

Ɛzra 7:5

Bukki mo tuto e daa la Abishuwa nɛ mo alɛ mo tuto daa la Finihas. Finihas mo tuto e daa la Eliaza nɛ e daa la bɔrɛmatapo nimuso Ɛɛrɔn pibinyɛn.

Ɛksodɔs 29:2

Men ta ayunyifu nɛ a pe nɛnɛ n wora bodobodo nɛ a maŋ kɔ yiisi. Men ta ɔlif be ŋku n wora bodobodo na be ako nseŋ wora ako malɛ loŋ, nseŋ ta nyifu na be ako malɛ n wora ekrakashi n ta ɔlif be ŋku n wurge amo so.

Ɛksodɔs 29:33

Bumo e daga b ka ji asɔ nɛ b ta n lara alubi be ketampaŋ be sarga na saŋɛ nɛ b ta bumo m bɔɔ Ebɔrɛ enɔ nɛ b ki bɔrɛmatapoana na. A maŋ daga esa pɔtɛ kama ka ji loŋ be asɔ na, ŋkpal manɛ so a la asɔ cheembi nna.

Ɛksodɔs 6:23

Nɛ Ɛɛrɔn malɛ ta Elisheba nɛ e daa la Aminadab pibiche nsaa la Nashɔn malɛ mo sipoche na ŋ ki mbe eche nɛ mo nɛ mo kurge Nadab nɛ Abihu nɛ Eleazar nɛ Itama.

Ezikɛl 44:29

Ayu be esarga nɛ kulubi be esarga nɛ kewora n jija be esarga kikɛ beeŋ baa la bɔrɛmatapoana be asɔ jiso nna. Kumo be kaman, kusɔ kama nɛ b kɛ ma ashi Israɛl to kikɛ gba la bumo peya nna.

Levitikɔs 10:13

Men baa ji kumo kakpa cheembi, ŋkpal manɛ so, k la menyi nɛ men be mbinyɛnsobi be kachige nna ashi ayu be sargajibi nɛ baa lara a sa Enyɛnpe Ebɔrɛ na nna. Kusɔ nɛ Enyɛnpe Ebɔrɛ na yili n sa ma nna na.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 24:9

Ebodobodo na la Ɛɛrɔn nɛ mbe kaman to ebi be kachige nna. Ŋkpal a ka la asɔ cheembi ashi esargajibi nɛ baa lara a sa Enyɛnpe Ebɔrɛ na so, a daga fanɛ b baa ji amo kaboŋ cheembi nna.”

Levitikɔs 7:9

Ayu be sargajibi kama fanɛ bodobodo ŋko mansaŋ gba la bɔrɛmatapo nɛ e lara kumo na peya nna.

Nɔmbɛs 3:2

Ɛɛrɔn daa kɔ mbinyɛnsobi ana nna. Nadab e daa la enimuso, n ta Abihu nɛ Eliaza nɛ Itama m bɛ so.