Levitikɔs 1:9 - EBƆRƐ BE KAWƆL

⁹ Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:9 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

1 Kronikɛls 6:34

nɛ Samuɛl malɛ mo tuto daa la Ɛlkana nɛ Ɛlkana mo tuto daa la Jeroham nɛ Jeroham mo tuto daa la Eliɛl nɛ Eliɛl mo tuto daa la Toa,

2 Kronikɛls 4:6

B daŋ naŋ lɔŋɛ ntishaŋgboŋ kudu nna n ti katishaŋgboŋ na so nseŋ ta amo be anu n yili bɔrɛlambu na be kelargato be kaseto be kaba so nseŋ ta anu nɛ a ka na malɛ n yili kelargato be esoso be kaba so. B daa ta amo to be nchu nna a nyɛlpɔ asɔ nɛ baa ta a lara sarga chɔɔso na so. Katishaŋgboŋ na to bre be nchu na la bɔrɛmatapoana na peya nna nɛ baa ta a wora daŋkare be kefɔrso be asheŋ.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Nshɛ 66:15

Meeŋ ta mbolpɔ lela n lara sarga n sa fo, nseŋ mɔ egbolu nɛ mboe n lara sarga chɔɔso ashi fo bɔrɛsure so.

Ɛksodɔs 12:9

Men saŋ maŋ kaŋ we eblaŋ na abumbuŋ ŋko n ta nchu n daŋɛ amo. Men tɔ amo nɛ amo be amu nɛ ayawɔrta nɛ apuntosɔ kikɛ edɛ to.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Ezikɛl 40:38

Ebubiana ko daŋ mata kedɛdɛ nɛ k wɔ epunto be mbunagboŋ na be kekama na ase nna nɛ baa fɔr sarga chɔɔso be asɔbɔya so amo to.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:17

Kumo be kaman nɛ e pɛ kabuibi na be aba to m baŋɛ kumo to nsaa maŋ chuge aba na to, nseŋ chɔɔ kumo kikɛ bɔrɛsure na so. Ŋkpal manɛ so, k la sarga chɔɔso nɛ kumo be efɛa bee par Enyɛnpe Ebɔrɛ na nna.”

Levitikɔs 2:16

Bɔrɛmatapo na beeŋ jɔ nyifu nɛ b baga amo ɔlif be ŋku na shɛda so nseŋ ta duwu na kikɛ n ti so n chɔɔ bɔrɛsure na so fanɛ ayu be sargajibi n sa Enyɛnpe Ebɔrɛ na.

Levitikɔs 2:2

m ba sa Ɛɛrɔn be mbinyɛnsobi nɛ b la bɔrɛmatapoana na. Nɛ bumo be ekoŋwule e jɔ nyifu nɛ ɔlif be ŋku be wea to na enɔ be bɔlɔ nseŋ ta duwu na n ti so n chɔɔ bɔrɛsure na so a ŋini fanɛ amo kikɛ la sarga chɔɔso nɛ amo be efɛa bee par Enyɛnpe Ebɔrɛ na nna.

Levitikɔs 2:9

E beeŋ ta amo be ako shɛda so n chɔɔ bɔrɛsure na so a ŋini fanɛ sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 3:11

bɔrɛmatapoana na be eko nɛ e chɔɔ amo kikɛ bɔrɛsure na so n lara ajibi be sarga n sa Enyɛnpe Ebɔrɛ na.

Levitikɔs 3:5

Bɔrɛmatapoana na be beko beeŋ ta kusɔbɔya na be nfɔ na n ti ayu be sargajibi na so n chɔɔ bɔrɛsure na so nɛ k baa la sarga nɛ kumo be efɛa bee par Enyɛnpe Ebɔrɛ na nna.

Levitikɔs 4:31

Kumo be kaman nɛ e lara nfɔ na kikɛ fanɛ kananɛ baa lara kɔnɔkoŋwule be sarga be kusɔbɔya be nfɔ na n chɔɔ bɔrɛsure na so saŋɛ na so amo be efɛa beeŋ par Enyɛnpe Ebɔrɛ na. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.

Levitikɔs 6:14

Ayu be sargajibi be mbraana nɛ a wɔtɔ nde. Bɔrɛmatapoana na e daga b ta ayu be sargajibi m ba Enyɛnpe Ebɔrɛ na kutɔ ashi bɔrɛsure na be anishito.

Levitikɔs 8:28

Kumo be kaman nɛ Mosis naŋ sɔ amo bumo be enɔana to n ta n deŋi sarga chɔɔso na so n chɔɔ ashi bɔrɛsure na so a ŋini fanɛ k la keta esa ŋ ki bɔrɛmatapo n sa Ebɔrɛ na be sarga nna. Kede la sarga nɛ kumo be efɛa bee par Enyɛnpe Ebɔrɛ na nna.

Levitikɔs 9:14

nseŋ ta nchu n fɔr kumo be apuntosɔ nɛ kaman be ayawɔrta so m bela amo n ti eblaŋ na so n chɔɔ bɔrɛsure na so.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Nɔmbɛs 15:3

B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Nɔmbɛs 28:11

Kufɔl kikɛ be kachɛ juŋkparso men lara egbolu fɔlbi anyɔ nɛ b maŋ kɔ ndulgi, nɛ kpakpa koŋwule nɛ k maŋ kɔ ndulgi, nɛ nfɛ koko be ekpakpa ashunu nɛ a maŋ kɔ ndulgi m ba sa Enyɛnpe Ebɔrɛ.

Nɔmbɛs 28:7

B ta yabra belbelso kɔlba koŋwule n chulgi n wurge bɔrɛsure na so n ti ekpakpafɔlbi na be kekama so n lara sarga n sa Enyɛnpe Ebɔrɛ.

Nɔmbɛs 28:8

Men ta kpakpafɔlbi nyɔsopo na nɛ yabra nɛ ayunyifu n lara kaaseso be sarga na fanɛ kananɛ men wora kachipurso na. Le be sarga be edishi be efɛa bee wora Enyɛnpe Ebɔrɛ na ebel nna.

2 Kɔrintebi 2:15

Ŋkpal manɛ so, an du fanɛ Kristo be efɛa belbelso nna a sa Ebɔrɛ a wɔ basa nɛ baa nya kumɔlga nɛ bumo nɛ baa mur bumo be alubi to to.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ditɛronɔmi 12:27

Loŋ be kakpa na nɛ menyeeŋ baa lara esarga chɔɔso ashi Enyɛnpe Ebɔrɛ na be bɔrɛsure so nsaa lara esarga kama nɛ menyeeŋ baa mɔ a chulgi amo be ŋklaŋ a wurge bɔrɛsure na ase nsaa we amo be eblaŋ gba ashi ndoŋ.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.