Levitikɔs 1:5 - EBƆRƐ BE KAWƆL

⁵ Kumo be kaman nɛ e mɔ kumo Enyɛnpe Ebɔrɛ na be anishito nɛ Ɛɛrɔn be mbinyɛnsobi nɛ b la bɔrɛmatapoana na be beko e suse kumo be ŋklaŋ ŋ ŋmenyaŋ bɔrɛsure nɛ k wɔ Enyɛnpe be wajɛbu na be kabuna to na be mba ana na kikɛ so ŋ kulti.

Levitikɔs 1:5 ပူးပေါင်းရင်းမြစ်များ

2 Kronikɛls 35:11

B ka mɔ ekpakpafɔlbi na nɛ mboe na n loge, nɛ Livaiebi na bɛ amo nɛ bɔrɛmatapoana na malɛ ta amo be ŋklaŋ ŋ ŋmenyaŋ bɔrɛsure na so.

Ɛksodɔs 29:11

Kumo be kaman nɛ men mɔ gbolu na ma, Enyɛnpe Ebɔrɛ na be anishito ndoŋ

Ɛksodɔs 29:16

nɛ men mɔ kumo nseŋ suse ŋklaŋ na ŋ ŋmenyaŋ ŋ ŋmenyaŋ bɔrɛsure na be mba ana na kikɛ so.

Ɛksodɔs 40:6

Kumo alɛ be kaman nɛ fo ta bɔrɛsure nɛ baa chɔɔ sarga kumo so na n yili Enyɛnpe Ebɔrɛ be wajɛbu na be kabuna to be anishito.

Aizaaya 52:15

Ma kenya na beeŋ sa efuliana na be basa ekpa nɛ b ki basa nɛ baaŋ tiŋ n shuŋ ma Enyɛnpe Ebɔrɛ na. Bewura beeŋ wu mo nɛ k wora bumo mamachi nseŋ mɔ bumo be nnɔ. Efuli pɔtɛana be basa beeŋ wu asɔ nɛ b maŋ naŋ wu ŋ ku so, nseŋ fɛ asɔ nɛ b maŋ naŋ fɛ amo be asheŋ ŋ ku so be nfɛra.”

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 43:18

Ndoŋ nna nɛ Enyɛnpetale Ebɔrɛ na naŋ kaŋɛ ma le: “Dimɛdi pibi, nu kusɔ nɛ mee kaŋɛ fo ere. B kaŋ pɔr bɔrɛsure na n loge, menyeeŋ mɔ asɔbɔya n lara esarga kumo so, nseŋ ta ŋklaŋ na ŋ ŋmenyaŋ kumo so a ŋini fanɛ men ta kumo m bɔɔ Ebɔrɛ enɔ nna na.

Levitikɔs 1:11

E beeŋ mɔ kusɔbɔya na bɔrɛsure na be kelargato be esoso ase, ashi Enyɛnpe Ebɔrɛ na be anishito, nɛ bɔrɛmatapo na e suse ŋklaŋ na ŋ ŋmanyaŋ bɔrɛsure na be mba ana na so ŋ kulti.

Levitikɔs 1:15

Bɔrɛmatapo na beeŋ bar lepɔ ŋko keli na bɔrɛsure na ase nseŋ ba kii kumo be kubɔ to m mɔ. Kumo be kaman nɛ e chɔɔ kumo be kumu na bɔrɛsure na so nseŋ chise ŋklaŋ na malɛ n wurge bɔrɛsure na be kaba koŋwule so

Levitikɔs 16:15

Kumo be kaman nɛ e mɔ basa na be kulubi be sarga be kaboe na nseŋ suse ŋklaŋ na n luri m ba acheembiana to be kakpa cheembi na to nseŋ ba wora amo ŋ ŋmenyaŋ kɔnɔkoŋwule be ŋkre be deka na be buuso so nɛ kumo be anishito, fanɛ kananɛ e daŋ ta gbolu na be ŋklaŋ n wora na.

Levitikɔs 17:11

Kusɔ keniso kikɛ be ŋkpa wɔ kumo be ŋklaŋ to nna, amoso nɛ Enyɛnpe Ebɔrɛ na kaŋɛ fanɛ b baa chulgi asɔbɔya be ŋklaŋ kikɛ a wurge bɔrɛsure na so nɛ a baa kpra basa na be alubi. Ŋklaŋ nɛ a la ŋkpa na a naa kpra alubi.

Levitikɔs 3:13

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be anishito. Bɔrɛmatapoana na beeŋ suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti

Levitikɔs 3:2

Amodoŋwura beeŋ ta mbe enɔ n deŋi kusɔbɔya na be kumu so nseŋ mɔ kumo ashi wajɛbu na be kabuna ase. Kumo be kaman nɛ Ɛɛrɔn be mbinyɛnsobi nɛ b la bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti,

Levitikɔs 3:8

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be kabuna ase nɛ bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na so ŋ kulti.

Levitikɔs 4:29

E beeŋ ta mbe enɔ n deŋi kaboe na be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ esarga chɔɔso be asɔbɔya na.

Levitikɔs 4:33

Esa na beeŋ ta mbe enɔ n deŋi kubolpɔ be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ sarga chɔɔso be asɔbɔya na.

Levitikɔs 4:7

Kumo be kaman nɛ e wora ŋklaŋ na be ako ŋ gbiti bɔrɛsure nɛ baa chɔɔ duwu kumo so na be mba ana be nnɔso na be kekama so, ashi wajɛbu na to na nseŋ chulgi ŋklaŋ nɛ a ka na n wurge bɔrɛsure nɛ baa chɔɔ esarga kumo so na be kaseto ashi wajɛbu na be kabuna ase.

Maika 6:6

Manɛ bre nɛ meeŋ ta m ba Enyɛnpetale Ebɔrɛ nɛ e wɔ ebɔrɛso na kutɔ m ba bunyaŋ mo? N ta egbolu lela ga nɛ a ji nfɛ koko m ba lara sarga chɔɔso n sa mo a?

Nɔmbɛs 18:17

Ama a maŋ daga men ka tɔ ana nɛ mbolpɔ nɛ mboe bre be ewurkoŋ. Amo ere daga keta n lara sarga n sa ma ŋkpal manɛ so a la meya nna. Men mɔ amo n chulgi amo be ŋklaŋ n wurge bɔrɛsure na so nseŋ chɔɔ amo be nfɔ saŋɛ na so amo be edishi beeŋ dii m ba ŋ kutɔ ŋkpal manɛ so amo be efɛa bee wora ma ebel nna.

Hibruwebi 10:11

Kachɛ kama bɔrɛmatapo kama na yil mbe kushuŋ to nna a lara a lara esarga koŋwule gbiiŋ nɛ a maaŋ tiŋ n lara esa be alubi mo to kikɛ na.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Samuɛl 1:25

B ka mɔ gbolu na n loge nɛ b keta kebia na n yɔ Eli kutɔ.