Levitikɔs 1:4 - EBƆRƐ BE KAWƆL

⁴ Esa nɛ e lara sarga na beeŋ ta mbe enɔ n deŋi gbolu na be kumu so, saŋɛ na so, k beeŋ baa la alubi be ketampaŋ be sarga n sa mo.

Levitikɔs 1:4 ပူးပေါင်းရင်းမြစ်များ

Ɛksodɔs 28:38

A daga fanɛ Ɛɛrɔn e baa chɛ neemu na nɛ kasibɛ na e baa wɔ mbe kasɔto so saŋkama a ŋini fanɛ e ta Israɛlebi be alubi nɛ b wora saŋɛ nɛ baa lara sarga a sa ma na n deŋi mbe kumu so nɛ ma, Enyɛnpe Ebɔrɛ na e baa sɔ bumo be esarga na.

Ɛksodɔs 29:10

Men baŋ mɛa bumo to n loge, a daga fanɛ men ta gbolu na m ba Enyɛnpe be wajɛbu na be kabuna to m ba shin nɛ Ɛɛrɔn nɛ mbe bibinyɛn na e ta bumo be enɔana n deŋi kumo be kumu so.

Ɛksodɔs 29:15

Kumo be kaman nɛ men shin nɛ Ɛɛrɔn nɛ mbe bibinyɛn na e ta bumo be enɔana n deŋi kpakpa nɛ baaŋ mɔ na be kumu so

Ɛksodɔs 29:19

Kede be kaman nɛ men shin nɛ Ɛɛrɔn nɛ mbe bibinyɛn e naŋ ta bumo enɔana n deŋi kpakpa nɛ k ka na be kumu so

Ɛksodɔs 29:33

Bumo e daga b ka ji asɔ nɛ b ta n lara alubi be ketampaŋ be sarga na saŋɛ nɛ b ta bumo m bɔɔ Ebɔrɛ enɔ nɛ b ki bɔrɛmatapoana na. A maŋ daga esa pɔtɛ kama ka ji loŋ be asɔ na, ŋkpal manɛ so a la asɔ cheembi nna.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Ezikɛl 45:15

Ade be kaman, a daga fanɛ men keni men be mbolpɔ alfa anyɔ kikɛ to n lara ekoŋwule n sa ma. Menyeeŋ ta ŋkɛana ere n lara ayu be esarga nɛ esarga chɔɔso nɛ kɔnɔkoŋwule be esarga n sa ma saŋɛ na so ma, Enyɛnpe Ebɔrɛ na be kagbene beeŋ fuli amo so nɛ n ta ma basa be alubi m paŋ bumo.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Levitikɔs 16:21

E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 16:24

A daga e yili kakpa cheembi na nna m bɛr nchu pɔɛŋ nseŋ ta mbe asɔbuuso gbagba m buu. Kumo be kaman nɛ e lar m ba lara sarga chɔɔso nɛ k beeŋ kpra mo nɛ basa na kikɛ be alubi na.

Levitikɔs 22:21

Esa kama nɛ e bee shin nɛ e lara kɔnɔkoŋwule be sarga n sa Enyɛnpe Ebɔrɛ n tia kɔnɔ ŋko n ta ŋ kɛ mo, daga fanɛ e bar kusɔbɔya nɛ k maŋ kɔ ndulgi.

Levitikɔs 22:27

“Nɛ kena ŋko kubolpɔ ŋko kaboe kurge, a daga fanɛ k ka ji nchɛ ashunu mo nio kutɔ pɔɛŋ nɛ b chuge kumo enio na so. Yili kachɛ burwasopo na a yɔ, baaŋ tiŋ n ta amo be kekama n lara sarga chɔɔso n sa Enyɛnpe Ebɔrɛ na nɛ e sɔ.

Levitikɔs 3:13

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be anishito. Bɔrɛmatapoana na beeŋ suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti

Levitikɔs 3:2

Amodoŋwura beeŋ ta mbe enɔ n deŋi kusɔbɔya na be kumu so nseŋ mɔ kumo ashi wajɛbu na be kabuna ase. Kumo be kaman nɛ Ɛɛrɔn be mbinyɛnsobi nɛ b la bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na kikɛ so ŋ kulti,

Levitikɔs 3:8

e beeŋ ta mbe enɔ n deŋi kumo be kumu so nseŋ mɔ kumo ashi wajɛbu na be kabuna ase nɛ bɔrɛmatapoana na e suse ŋklaŋ na ŋ ŋmenyaŋ bɔrɛsure na be mba ana na so ŋ kulti.

Levitikɔs 4:15

Efuli na be benimuana beeŋ ta bumo be enɔana n deŋi kusɔbɔya na be kumu so nseŋ mɔ kumo ndoŋ.

Levitikɔs 4:20

Kananɛ e baa wora egbolu nɛ baa ta a lara kulubi be esarga na nɛ e beeŋ wora gbolu ere gba, saŋɛ na so e beeŋ lara basa na be kulubi be sarga nɛ b nya ketampaŋ.

Levitikɔs 4:24

Ŋkpal k ka la kulubi be sarga so, e beeŋ ta mbe enɔ n deŋi kaboe na be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ esarga chɔɔso be asɔbɔya na.

Levitikɔs 4:26

E beeŋ chɔɔ kaboe na be nfɔ kikɛ fanɛ kananɛ e bee chɔɔ kɔnɔkoŋwule be sarga be kusɔbɔya be nfɔ na. Ekpa nɛ bɔrɛmatapo na beeŋ bɔla so n lara eyiri to be enimu be kulubi be sarga nɛ e nya ketampaŋ nna na.

Levitikɔs 4:29

E beeŋ ta mbe enɔ n deŋi kaboe na be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ esarga chɔɔso be asɔbɔya na.

Levitikɔs 4:31

Kumo be kaman nɛ e lara nfɔ na kikɛ fanɛ kananɛ baa lara kɔnɔkoŋwule be sarga be kusɔbɔya be nfɔ na n chɔɔ bɔrɛsure na so saŋɛ na so amo be efɛa beeŋ par Enyɛnpe Ebɔrɛ na. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.

Levitikɔs 4:33

Esa na beeŋ ta mbe enɔ n deŋi kubolpɔ be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ sarga chɔɔso be asɔbɔya na.

Levitikɔs 4:35

Kumo alɛ be kaman nɛ e lara kubolpɔ na be nfɔ kikɛ fanɛ kananɛ baa lara kusɔbɔya nɛ baa ta a lara kɔnɔkoŋwule be sarga be nfɔ na nseŋ ta amo n ti ajibi be sarga nɛ b bar m ba sa Enyɛnpe Ebɔrɛ na so n chɔɔ bɔrɛsure na so. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.”

Levitikɔs 4:4

E beeŋ bar gbolu na wajɛbu na be kabuna ase m ba ta mbe enɔ n deŋi kumo be kumu so nseŋ mɔ kumo ndoŋ ashi Enyɛnpe Ebɔrɛ na be anishito.

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Levitikɔs 6:7

Nɛ bɔrɛmatapo na e ta kumo n lara sarga n sa Enyɛnpe Ebɔrɛ na nɛ esa na e nya ketampaŋ.”

Levitikɔs 8:14

Ade be kaman nɛ Mosis shin nɛ b bar gbolu fɔlbi nɛ baaŋ ta n lara kulubi be sarga na nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo be kumu so.

Levitikɔs 8:18

Ade kikɛ be kaman nɛ Mosis shin nɛ b bar kpakpa nɛ baaŋ ta n lara sarga chɔɔso na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo alɛ gba be kumu so.

Levitikɔs 8:22

Ndoŋ nna nɛ Mosis shin nɛ b bar kpakpa nyɔsopo nɛ e beeŋ ta ŋ wora bɔrɛmatapoana be kebuu be kasheŋwora na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kusɔbɔya na be kumu so.

Levitikɔs 9:7

Kumo be kaman nɛ Mosis naŋ kaŋɛ Ɛɛrɔn le: “Yɔ bɔrɛsure na ase n ya lara fo kumu so be sarga chɔɔso pɔɛŋ nseŋ lara kulubi be esarga ŋ kule fo nɛ basa na kikɛ be alubi be ketampaŋ fanɛ kananɛ Enyɛnpe Ebɔrɛ na yili kumo na.”

Nɔmbɛs 15:25

Nɛ bɔrɛmatapo na e kule alubi be ketampaŋ n sa kade na to ebi kikɛ nɛ n ta m paŋ bumo ŋkpal b ka maŋ kute n wora kulubi na nseŋ lara alubi be sarga n sa ma Enyɛnpe Ebɔrɛ na so.

Nɔmbɛs 15:28

Nɛ bɔrɛmatapo na e kule alubi be ketampaŋ n sa esa nɛ e maŋ kute n wora kulubi na nɛ n ta m paŋ mo.

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 8:10

nɛ Israɛlebi na kikɛ e ta bumo be enɔana n deŋi n deŋi Livaiebi na be amu so.”

Nɔmbɛs 8:12

Nɛ Livaiebi na e ta bumo be enɔana n deŋi deŋi egbolu anyɔ na so, kumo be kaman nɛ b ta kuko n lara alubi be ketampaŋ be sarga nseŋ ta kuko malɛ n lara sarga chɔɔso, saŋɛ na so Livaiebi na beeŋ fɔr so n lar daŋkare be ekpa so.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Hibruwebi 10:4

Ŋkpal manɛ so, egbolu nɛ mboe be ŋklaŋ maaŋ tiŋ n lara esa be alubi ashi mo to kikɛ.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.