Levitikɔs 1:2 - EBƆRƐ BE KAWƆL

² “Kaŋɛ Israɛl be basa na fanɛ nɛ ekama baa bar sarga nɛ e ba sa Enyɛnpe Ebɔrɛ na, e bar kena ŋko kubolpɔ ŋko kaboe.”

Levitikɔs 1:2 ပူးပေါင်းရင်းမြစ်များ

Jɛnesis 4:3

Kachako nɛ Keen ya bar mbe adɔjibi ko m ba kɛ Enyɛnpe Ebɔrɛ na

Jɛnesis 4:5

Ama Enyɛnpe Ebɔrɛ na daŋ kini Keen bre nɛ mbe kakɛ na nna. Keen ka wu loŋ na nɛ e nya agbo n tiŋ to.

1 Kronikɛls 16:29

Enyɛnpe be ketre daga bunyaŋ, amoso men shin nɛ an maŋkura mo. Men ta men be sarga m ba mbe lambu to. Enyɛnpe cheembi na kaŋ lar a ba, a daga fanɛ men bunyaŋ mo.

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Nɔmbɛs 15:3

B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Nɔmbɛs 5:15

kumo ere, k daga enyɛn na ka keta eche na nseŋ ta aboyunyifu kurwa koŋwule n ti so n yɔ bɔrɛmatapo kutɔ n ya sulge eche na so. Ama a maŋ daga e ka ta ɔlif be ŋku ŋko duwu n ti amo so, ŋkpal manɛ so, kukɔrkɔ be kesulge be sarga nna.

Maak 7:11

Ama menyee ŋini fanɛ nɛ esa kɔ kusɔ ko nɛ e beeŋ tiŋ n ta n chɛ mo tuto ŋko mo nio to nseŋ kaŋɛ bumo fanɛ: ‘Korban be kusɔ nde,’ kumo e la fanɛ ‘Ebɔrɛ e wɔ,’

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.