Kelaraŋŋini 9:4 - EBƆRƐ BE KAWƆL

⁴ B daŋ kaŋɛ loŋ be elotɔr na nna fanɛ b sa maŋ wora kasawule so be afitiri ŋko asɔ duuso ŋko kedibi kikɛ shɛŋ she basa nɛ b daa maa kɔ Ebɔrɛ be tɔɔnɛ be kebersobi bumo be nsɔto so na.

Kelaraŋŋini 9:4 ပူးပေါင်းရင်းမြစ်များ

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 1:12

Ndoŋ nna nɛ Enyɛnpe Ebɔrɛ na kaŋɛ Setani le: “Yoo, n ta kusɔ kama nɛ e kɔ m bɔɔ fo enɔ, ama sa maŋ kaŋ doro Job gbagba bre.” Nɛ Setani lar Enyɛnpe Ebɔrɛ kutɔ n choŋ.

Job be kawɔl 2:6

Ndoŋ nna nɛ Enyɛnpe Ebɔrɛ malɛ naŋ kaŋɛ le: “To, n nu! Feeŋ tiŋ n shin nɛ kayurnyaŋ e tɔr Job so nɛ e ji awurfoŋ kananɛ fee sha, ama sa maŋ kaŋ mɔ mo bre!”

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 6:6

Ndoŋ nna nɛ n nu kusɔ ko ka shi asɔbɔya keniso ana na to ŋ gbri m ba fanɛ ebɔl na a kaŋɛ le: “Ta aboyu be kurwa be bargato malɛ be bargato nɛ amo be yawu la lebra be kachɛ koŋwule be kakɔka na nseŋ ta gari be kurwa be bargato malɛ be bargato asa n sɔ lebra be kachɛ koŋwule be kakɔka. Ama sa maŋ kaŋ tɔrɔ ŋku na nɛ yabra belbelso na bre.”

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.