Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kelaraŋŋini 9:20 - EBƆRƐ BE KAWƆL

20 Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.

အခန်းကိုကြည့်ပါ။ ကော်ပီ




Kelaraŋŋini 9:20
43 ပူးပေါင်းရင်းမြစ်များ  

Ŋkpal manɛ so b ka kini ma nseŋ lara esarga n sa efuli pɔtɛana so be agbirana nɛ ma agbo kaa bumo so ga. Kusɔ nɛ b wora na so ma agbo maaŋ wushi kikɛ.


Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.


Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.


B daŋ ta bumo be mbia n lara esarga nna n sa ayoyu lubi.


B daa shuŋ agbirana nɛ bumo gbagba lɔŋɛ ashi efuli na be kaplɛkama nna.


Eshɛlpo na bee kaŋɛ bɔyɛpo le nna: ‘Fo wora asɔ!’ Nɛ esa nɛ mo alɛ bee fifɛa kegbir na so nɛ k bee ki bɔlbɔlbi na malɛ bee leŋ emo nɛ e bee ber kegbir na a mata abar so na to. B yɛ: ‘Kumo be keŋalga m mata abar so walɛ paa!’ Anyembi nɛ b ta ŋ gbir kegbir na n yili kumo be eyilikpa.


Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.


Anebiana na kaŋɛ menyi fanɛ men sa maa bunyaŋ ŋko a shuŋ agbir nɛ men lɔŋɛ na; saŋɛ na so Enyɛnpe Ebɔrɛ na maaŋ nya agbo n wora menyi. Men daŋ wora Enyɛnpe Ebɔrɛ na kasonu nna, e daa maaŋ gberge menyi kusoe.


Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?


Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.


Basa nɛ baa lɔŋɛ agbir maŋ kɔ nfɛra pasaa! Ebɔyɛpo nɛ baa ta shuwa ŋko gbiti a lɔŋɛ agbirana na bee ji anishinyɔr nna ŋkpal bumo be agbirana fɛpo na ka maŋ kɔ ŋkpa so.


Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.


nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.


Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.


Ma alɛ beeŋ naŋ mur asɔ nɛ menyee ta a lɔŋɛ agbir a shuŋ na kikɛ, nɛ menyi maaŋ naŋ nya amo a shuŋ.


Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”


Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.


Menyi alɛ gba bee wu nseŋ naa nu kusɔ nɛ kanyɛn nɛ baa tre Pɔɔl na wɔtɔ a wora. E wɔtɔ nna a kaŋɛ basa fanɛ agbirana nɛ baa lɔŋɛ na maŋ la ebɔrɛana kikɛ. Mo alɛ tiŋ n shin nɛ basa damta ashi Ɛfeses nfe nɛ Eeshia be kasawule ere so be basa damta shuli fanɛ mbe kamalga na la kashenteŋ nna.


Ndoŋ nna nɛ b pɔr kegbir ko fanɛ kenabi nseŋ mɔ asɔ n wora kejigboŋ n lɔŋɛ kumo a bunyaŋ kusɔ nɛ bumo gbagba pɔr na.


Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.


Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”


B daŋ lara esarga nna n sa agbirana nɛ a maŋ la Ebɔrɛ, agbir popɔr nɛ bumo nananyɛnana daa maŋ nyi, agbirana nɛ Israɛl daa maŋ naŋ wora kasonu ŋ ku so.


Menyi alɛ beeŋ ya shuŋ agbir nɛ edimɛdi ta ndibi nɛ ajembu n lɔŋɛ ashi efuli pɔtɛana na so ndoŋ. Amo alɛ maŋ la shɛŋ, a maa wu ŋko a nu ŋko a ji ajibi ŋko a nu efɛa.


Kiyoyu Cheeŋ na baŋ kaŋɛ geeŋ fanɛ lalaloge be nchɛ ere to basa ko beeŋ lar kashenteŋ be keŋini ere to nsaa nu a sa efɛ be mbuibi lubi a wɔtɔ a koya amo be keŋini.


Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.


Ndoŋ nna nɛ malaika nasopo na ta mbe katishaŋ nɛ agbo na n chulgi n wurge epeŋi so nɛ k nya eleŋ n chɔɔ basa fanɛ edɛ.


Egbaŋɛana na be eleŋana daa wɔ bumo be nnɔ to nɛ amo be ndu to nna, ŋkpal manɛ so, bumo be ndu daa du fanɛ awɔ nna a kɔ amu mo nɛ a bee tɔrɔ basa.


Bumo alɛ maŋ naŋ lar bumo be kamɔ nɛ ŋkilgi nɛ kesakaleasheŋ nɛ bumo be kayu to.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ