Kelaraŋŋini 9:14 - EBƆRƐ BE KAWƆL

¹⁴ ŋ kaŋɛ malaika shesopo nɛ e daa kɔ kabel to na le: “Shin nɛ emalaika ana mo nɛ b kre lɔrgboŋ nɛ baa tre Yufreetes akpa na e nya bumo be amu n yɔ.”

Kelaraŋŋini 9:14 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 2:14

Eboŋ sasopo na be ketre e daa la Tigris. K daa wɔ Asiriya be efuli so be epeŋipetekpa be kaba so nna. Eboŋ nasopo na malɛ be ketre e daa la Yufreetes.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

Jɛremaya 51:63

Seraiya, nɛ fo kaŋ kule Ebɔrɛ n loge, fo kre kawɔl na m mata kejembugboŋ so nseŋ ta kumo n lɛ Lɔrgboŋ nɛ baa tre Yufreetes na to. Kumo be kaman nɛ fo kaŋɛ le:

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Joshuwa 1:4

Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Kelaraŋŋini 16:12

Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.

Kelaraŋŋini 8:6

Ndoŋ nna nɛ emalaika ashunu mo nɛ b daa kɔ mbel ashunu na to na wora shiriya nɛ b foŋ mbel na.

Kelaraŋŋini 9:15

Ndoŋ nna nɛ b lara emalaika ana nɛ b daŋ ta bumo n yili awa ere to gbagba nɛ kabre be kachɛ ere gbagba nɛ kufɔl ere gbagba to nɛ kafɛ ere gbagba to na fanɛ b mɔ dimɛdi be kepɔrso to be ntuŋ nsa be katuŋ koŋwuleso.