Kelaraŋŋini 9:1 - EBƆRƐ BE KAWƆL

¹ Nɛ malaika nusopo foŋ mbe kabel nɛ n wu kechɛkpabi ka shi awɔlpa so m ba tɔr kasawule nɛ b ta kemaŋ nɛ k maŋ kɔ ekar na nɛ baa tre kumo Abis na be esɔfi n sa kumo.

Kelaraŋŋini 9:1 ပူးပေါင်းရင်းမြစ်များ

Aizaaya 14:12

Fo Babilɔn be efuli so be ewura nɛ fo du fanɛ kachipurso be kechɛkpabi na, shi ebɔrɛso n tɔr to kasawule so! Jemanɛ nɛ k choŋ na fo daŋ kɔ m pɔɔ efuliana so nna, ama naniere fo alɛ gba nɛ b kɔ m pɔɔ so na.

Luuk 10:18

Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

Luuk 8:31

Nɛ ayoyu lubi na kule Yesu fanɛ e sa maŋ shin nɛ b yɔ kemaŋ nɛ k maŋ kɔ ekar na to.

Romebi 10:7

Fo alɛ e sa maŋ bishi le gba: ‘Wanɛ e naaŋ gbelge n yɔ durnya be kaseto?’ Kumo e la fanɛ n ya bar Kristo ashi bubuni to.”

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 11:7

B kaŋ ji bumo be shɛda n loge, kusɔbɔya lubi mo nɛ e shi kakpa nɛ baa tre Abis na beeŋ ba kɔ bumo kena m pɔɔ bumo so nseŋ mɔ bumo

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 20:1

Nɛ n wu malaika ko ka shi ebɔrɛso a ba nɛ kemaŋ mo nɛ baa tre Abis na be esɔfi wɔ mo kutɔ, mo alɛ nseŋ naa kɔ ŋgbɛlɛbi gboŋgboŋi ko mbe enɔ to.

Kelaraŋŋini 20:10

Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.

Kelaraŋŋini 6:13

Nɛ achɛkpabi mo nɛ a wɔ awɔlpa so na tɔr kasawule yɛɛr fanɛ afugboŋ ka bee gbaŋgbaŋ mpoli bumbuŋ a lɛ na.

Kelaraŋŋini 8:10

Ndoŋ nna nɛ malaika sasopo na malɛ foŋ mbe kabel nɛ kechɛkpabi gboŋgboŋi ko shi awɔlpa so a suse fanɛ kabulpi na m ba tɔr elɔrana nɛ mbombiana be ntuŋ nsa be katuŋ koŋwuleso to.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.

Kelaraŋŋini 9:2

Kechɛkpabi na ka bugi kemaŋ nɛ k maŋ kɔ ekar na nɛ edishi lar fanɛ a ka shi edɛgboŋ ko to na. Nɛ epeŋi nɛ awɔlpa kikɛ biri to ŋkpal edishi mo nɛ a shi kemaŋ na to so.