Kelaraŋŋini 8:3 - EBƆRƐ BE KAWƆL

³ Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.

Kelaraŋŋini 8:3 ပူးပေါင်းရင်းမြစ်များ

1 Bewura 7:50

nɛ asɔ nuunchu nɛ asɔ nɛ baa ta a duŋ efitila nɛ ntishaŋ nɛ eduwu be mba nɛ ntishaŋ nɛ b kɔ a chɔɔ ajanwulɛ na. Shuwa lela nɛ b daŋ ta n lɔŋɛ asɔ ere kikɛ.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Ɛksodɔs 40:26

Mosis daŋ shin nna nɛ b ta shuwa be bɔrɛsure na n yili patisa kuŋso na be anishito ashi Enyɛnpe be wajɛbu na to

Aizaaya 6:6

Kumo be kaman nɛ asɔbɔya na be eko ta beterɛ n lara kejanwulɛbi ashi ebɔrɛso be bɔrɛsure na so n firgi ŋ gbelge to m ba

Ezikɛl 41:22

bɔrɛsure nɛ b ta ndibi wora nna. Kumo be jeŋgreŋ daŋ fo fanɛ ayadra anu nɛ kumo be mparto malɛ daŋ fo fanɛ ayadra ana. Ndibi nɛ b ta n lɔŋɛ kumo be kaplɛkama. Ndoŋ nna nɛ kanyɛn na kaŋɛ ma le “Kede la kanyiŋi nna fanɛ Enyɛnpe Ebɔrɛ na bee keni mbe bɔrɛlambu so jemanɛ kikɛ nna.”

Eemɔs 9:1

N wu Enyɛnpe Ebɔrɛ ka yil bɔrɛsure na ase ashi bɔrɛlambu na to nseŋ kaŋɛ le: “Gbuŋgbuŋ bɔrɛlambu na be eshabɔrɛ nɛ a sɔ kumo to ŋ keta na eleŋso nɛ kumo be esoso e bure n tɔr basa na be amu so. Meeŋ mɔ bumo be bumo nɛ b ka na malɛ kena to. Bumo be ekama maaŋ tiŋ n shile ŋ ŋana ma so.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Nɔmbɛs 4:11

Kumo alɛ be kaman nɛ b parga wajɛ buru n deŋi shuwa be bɔrɛsure na so nseŋ ta kusɔbɔya be kawɔl lela m parga m buu kumo so n ti so pɔɛŋ nseŋ ta ndibi nɛ baa ta a sulɔ kumo na n wɔtɔ amo be kakpa.

Luuk 1:10

Jemanɛ nɛ e luri nɛ e chɔɔ duwu na nɛ jimaŋ malɛ wɔ kowu a kule Ebɔrɛ.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Kelaraŋŋini 10:1

Ndoŋ nna nɛ n naŋ wu malaika lempo ko malɛ gba ka shi ebɔrɛso a ba nɛ kuwɔlpa mea mo kikɛ so nɛ kabɔrɛnyaŋgelambi ko chambɔ mbe kumu so. Mbe anishiakpa daa du fanɛ epeŋi nna nɛ mbe aya daa du fanɛ edɛ ka lara adondulombi nɛ a du fanɛ eshabɔrɛ na.

Kelaraŋŋini 14:18

Bede malɛ kikɛ be kaman nɛ malaika ko malɛ nɛ e daa kɔ edɛ be eleŋ shi bɔrɛsure na akpa m ba tre emo nɛ e daa kɔ loji jiso na to na awɔrso ŋ kaŋɛ mo le: “Ta fo loji jiso na ŋ ku kasawule so be waindibi be asɔrso na, ŋkpal manɛ so, asɔrso na bel.”

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

Kelaraŋŋini 6:9

Nɛ Kpakpafɔlbi na bu tɔɔnɛ be kebersobi nusopo na nɛ n wu basa nɛ b mɔ ŋkpal b ka daŋ malga Ebɔrɛ be kamalga na so nɛ ŋkpal shɛda mo nɛ b ji na so na be ayoyu ashi bɔrɛsure na be kaseto.

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso

Kelaraŋŋini 8:4

Ndoŋ nna nɛ duwu na be edishi nɛ Ebɔrɛ be basa be kabɔrɛkuleana na shi malaika nɛ e yil Ebɔrɛ be anishito na be enɔ to n dii n yɔ.

Kelaraŋŋini 8:5

Ndoŋ nna nɛ malaika na ta shuwa be kusɔjɔduwu na n lara edɛ ashi bɔrɛsure na to m bɔlɔ kumo n ta edɛ na ŋ kpa n wurge kasawule so. E ka wora loŋ na nɛ bɔrɛ ponte ŋ gbri n nyɛkpɛ pɛlpɛl nɛ kasawule gbuŋgbuŋ to.

Kelaraŋŋini 9:13

Ndoŋ nna nɛ malaika shesopo na foŋ mbe kabel nɛ n nu ebɔl ka shi shuwa be bɔrɛsure mo nɛ k daa yil Ebɔrɛ be anishito na n lar. Asɔ ana ko daa yuu a yuu kumo so fanɛ kumo be alambɛ