Kelaraŋŋini 8:12 - EBƆRƐ BE KAWƆL

¹² Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Kelaraŋŋini 8:12 ပူးပေါင်းရင်းမြစ်များ

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Jɛremaya 4:23

Ade be kaman nɛ ŋ to kenishi ŋ keni ŋ kulti, nseŋ wu fanɛ edimɛdi nɛ asɔbɔya kikɛ maŋ naa wɔtɔ. Nɛ n naŋ to kenishi ŋ keni awɔlpa so, nɛ kefulto kikɛ maŋ wɔ kumo so.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Jowɛl 3:15

Loŋ be kachɛ na, epeŋi nɛ kufɔl beeŋ nyɔ m biri to ŋ ki le tuum, nɛ achɛkpabi e fuli to ŋ gben.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 27:45

Ta a ba kapaso, kerfi kuduanyɔ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Maak 13:24

Jemanɛ na so, etɔrɔ ere be kaman epeŋi beeŋ biri to nɛ kufɔl e fuli to ŋ gben.

Maak 15:33

Ta a ba kapaso, nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Luuk 21:25

Amo be jemanɛ emamachisheŋ beeŋ shi epeŋi so nɛ kufɔl so nɛ achɛkpabi so m ba nɛ durnya ere to ebi be ŋgbene e kaa bumo nɛ b wul to ŋkpal teku be atiligboŋ be egbri nɛ amo be kebagato so.

Ashuŋ Shunso 2:20

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 16:10

Malaika nasopo na be kaman nɛ enusopo na malɛ ta mbe katishaŋ nɛ agbo na n chulgi n wurge kusɔbɔya na be kuwurputi so, nɛ mbe kakpa nɛ e bee ji kuwura kikɛ ki tentembiri gbrum nɛ basa duŋ bumo be adonduloŋ ebesa so ga

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.

Kelaraŋŋini 9:15

Ndoŋ nna nɛ b lara emalaika ana nɛ b daŋ ta bumo n yili awa ere to gbagba nɛ kabre be kachɛ ere gbagba nɛ kufɔl ere gbagba to nɛ kafɛ ere gbagba to na fanɛ b mɔ dimɛdi be kepɔrso to be ntuŋ nsa be katuŋ koŋwuleso.

Kelaraŋŋini 9:18

Ndoŋ nna nɛ kɔnɔso be etɔrɔ be asɔ asa na, amo e la edɛ nɛ edishi nɛ jɛrbi nɛ a shi amo be nnɔ na to m mɔ edimɛdi be ntuŋ nsa be katuŋ koŋwuleso na.