Kelaraŋŋini 8:11 - EBƆRƐ BE KAWƆL

¹¹ Kechɛkpabi na be ketre e la Kerkra. K ka tɔr nchuana na to na nɛ amo be ntuŋ nsa be katuŋ koŋwuleso ki kerkra nɛ basa damta nu amo nseŋ wu ŋkpal a ka ki kerkra na so.

Kelaraŋŋini 8:11 ပူးပေါင်းရင်းမြစ်များ

Ɛksodɔs 15:23

B ka ya fo kaboŋ ko nɛ baa tre Mara, b daa maŋ tiŋ nɛ b nuu ndoŋ be nchu na, ŋkpal a ka daa du kekra so, amoso nɛ b daŋ nase ndoŋ Mara nna.

Aŋasa 5:4

ama fo baŋ di mo n loge, ebesa nɛ n daa nyi nna e naa bɛ kumo so.

Jɛremaya 23:15

Amoso, kusɔ nɛ ma, Enyɛnpetale Ebɔrɛ na bee kaŋɛ anebiana nɛ b wɔ Jerusalɛm to na e la fanɛ, meeŋ sa bumo ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu, ŋkpal b ka shin nɛ ekama maa ŋana Ebɔrɛ ashi kasawule be kaplɛkama so so.”

Jɛremaya 9:15

Amoso nɛ ma, Enyɛnpetale Israɛl be Ebɔrɛ na nase kɔnɔ fanɛ meeŋ sa ma basa ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu.

Nfabel 3:19

M baa fɛ etɔrɔ damta nɛ e bee tu ma nɛ ma kenawule be kebaanite cham cham a choŋ na be asheŋ, k bee sa ma kagbenejija damta ga nna.

Nfabel 3:5

E daŋ shin nɛ kagbenejija damta nɛ kushu nɛ etɔrɔbi ki fanɛ ebu nna ŋ kulti ma n wɔtɔ.

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Eemɔs 6:12

Egbaŋɛ beeŋ tiŋ n shile afalta so manaŋ manaŋ a? Ŋko anafɛlso beeŋ tiŋ n dɔ teku to a? Ama menyi ere ta keji asheŋ nɛ amo be ekpa so ŋ kilgi kɔrtɔ nseŋ ta ekpa niŋiso malɛ ŋ ki ekpa kɔnto.

Zakareya 13:8

Kasawule na so be basa na be ntuŋ asa to be ntuŋ anyɔ beeŋ wu m mur nɛ katuŋ koŋwule nawule e ka.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.

Kelaraŋŋini 9:15

Ndoŋ nna nɛ b lara emalaika ana nɛ b daŋ ta bumo n yili awa ere to gbagba nɛ kabre be kachɛ ere gbagba nɛ kufɔl ere gbagba to nɛ kafɛ ere gbagba to na fanɛ b mɔ dimɛdi be kepɔrso to be ntuŋ nsa be katuŋ koŋwuleso.

Kelaraŋŋini 9:18

Ndoŋ nna nɛ kɔnɔso be etɔrɔ be asɔ asa na, amo e la edɛ nɛ edishi nɛ jɛrbi nɛ a shi amo be nnɔ na to m mɔ edimɛdi be ntuŋ nsa be katuŋ koŋwuleso na.

Ruf be kawɔl 1:20

Ndoŋ nna nɛ Nawomi kaŋɛ bumo le: “Men sa maŋ naa tre ma Nawomi, men baa tre ma Mara, ŋkpal manɛ so, Enyɛnpe Ebɔrɛ Elempo na shin nna nɛ kebaawɔtɔ ki nyaŋnyaŋ n sa ma.