Kelaraŋŋini 7:4 - EBƆRƐ BE KAWƆL

⁴ Le be kamalga ere be kaman nɛ n nu kananɛ basa nɛ b dulgi na kikɛ sa. B daa wɔ basa ŋgboŋ kalfa nɛ ŋgboŋ adena nɛ ŋgboŋ ana ashi Israɛlebi be nnaŋ na kikɛ to. Kanaŋkama nɛ kananɛ bumo be basa dulgiso daa sa nde:

Kelaraŋŋini 7:4 ပူးပေါင်းရင်းမြစ်များ

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Ɛksodɔs 28:21

A daga fanɛ b chaŋ n chaŋ Israɛlebi be nnaŋ kuduanyɔ na be ketre kama n deŋi ajembu kuduanyɔ na be kekama so.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Ezikɛl 48:19

Yiri kama to be esa kama nɛ e chena kadegboŋ na to beeŋ tiŋ n dɔ kasawule na so n ji.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Luuk 14:22

Kenya na ka yɔ m ba nɛ e ba kaŋɛ le: ‘Enyɛnpe, n wora asheŋ nɛ fo kaŋɛ na kikɛ, ama ebu na maŋ naŋ bɔlɔ basa.’

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Ashuŋ Shunso 26:7

Kɔnɔ naseso koŋwule nɛ anyi be basa be nnaŋ kuduanyɔ ebi na bee bunyaŋ Ebɔrɛ kapa nɛ kanyɛ nsaa tama kenya na gbagba chap na. Yiramu, le be tama ere malɛ so nɛ Juwebi na bee ku asheŋ a deŋi ma na.

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Jeems 1:1

Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 7:5

Juda be kanaŋ to ebi daa wɔ basa ŋgboŋ kuduanyɔ nɛ Ruben be kanaŋ to ebi daa wɔ ŋgboŋ kuduanyɔ nɛ Gad be kanaŋ to ebi gba daa wɔ basa ŋgboŋ kuduanyɔ.

Kelaraŋŋini 9:16

Benapo mo nɛ b daa maa na aya so daa wɔ basa ŋgboŋ to be ŋgboŋ alfa anyɔ. N daŋ nu kananɛ b sa na.