Kelaraŋŋini 7:3 - EBƆRƐ BE KAWƆL

³ ŋ kaŋɛ bumo le: “Men sa maŋ tɔrɔ kasawule ere ŋko teku ŋko ndibi pɔɛŋ nɛ an ya ta tɔɔnɛ be abersobi n dulgi Ebɔrɛ be anya kikɛ be nsɔto.”

Kelaraŋŋini 7:3 ပူးပေါင်းရင်းမြစ်များ

Ɛksodɔs 12:13

Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Aizaaya 27:8

Kasogberge nɛ Enyɛnpe Ebɔrɛ na sa mbe basa e la fanɛ e shin nna nɛ bumo doŋana kɔ m pɔɔ bumo so nseŋ pɛ bumo n yɔ efuli pɔtɛ so n ya ki anya. Bumo bedoŋana na daa du fanɛ epeŋilarkpa be afu tushiso nna m ba ber bumo n yɔ kufɔ kufɔ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 65:8

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Esa kikɛ maaŋ shuli n ta asɔrso nɛ baa tre greep na be alela n lɛ, ama e beeŋ ta amo n wora yabra nna. To, ma alɛ gba maaŋ shuli m mur ma basa kikɛ, ama meeŋ mɔlga bumo nɛ baa shuŋ ma na.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:26

Ndoŋ nna nɛ ewura Nebukadneeza firgi n taga edɛ wuloŋ wuloŋ na to m boŋ to n tre: “Shaadrak! Mɛshaak! Abedneego! Enyɛnpetale be nyɛrbi, men lar m ba!” Epul to nɛ b dii n lar edɛ be kemaŋ chiŋgeliŋ na to.

Danɛl 6:16

Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.”

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 3:33

Esa kama malɛ nɛ e sɔ loŋ be shɛda na gbagba bee ji shɛda nna fanɛ Ebɔrɛ ka la kashenteŋ be Ebɔrɛ.

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

Kelaraŋŋini 13:16

Kusɔbɔya na daŋ tintiŋ ekama nna, bewurbi nɛ begboŋi kikɛ, damawuraana nɛ betirpo, anya nɛ bumo nɛ b wɔ bumo be amu fanɛ ekama e nya ndulgi mbe enɔjiso so ŋko mbe kɔsɔto so.

Kelaraŋŋini 13:17

Saŋɛ na so, esa kikɛ maaŋ tiŋ n tɔ shɛŋ ŋko n fa kusɔ ko ama amodoŋwura baa kɔ ndulgi mo nɛ k la kusɔbɔya na be ketre na nna ŋko mbe ketre be lamba nna.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 14:9

Ndoŋ nna nɛ malaika sasopo ta m bɛ bumo so a kaŋɛ awɔrso le: “Ekama nɛ e bee maŋ kusɔbɔya na nɛ mbe kaduli na so nseŋ nya mbe ndulgi mbe kɔsɔto so ŋko mbe enɔ so,

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

Kelaraŋŋini 22:4

Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.

Kelaraŋŋini 6:6

Ndoŋ nna nɛ n nu kusɔ ko ka shi asɔbɔya keniso ana na to ŋ gbri m ba fanɛ ebɔl na a kaŋɛ le: “Ta aboyu be kurwa be bargato malɛ be bargato nɛ amo be yawu la lebra be kachɛ koŋwule be kakɔka na nseŋ ta gari be kurwa be bargato malɛ be bargato asa n sɔ lebra be kachɛ koŋwule be kakɔka. Ama sa maŋ kaŋ tɔrɔ ŋku na nɛ yabra belbelso na bre.”

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso

Kelaraŋŋini 9:4

B daŋ kaŋɛ loŋ be elotɔr na nna fanɛ b sa maŋ wora kasawule so be afitiri ŋko asɔ duuso ŋko kedibi kikɛ shɛŋ she basa nɛ b daa maa kɔ Ebɔrɛ be tɔɔnɛ be kebersobi bumo be nsɔto so na.