Kelaraŋŋini 7:17 - EBƆRƐ BE KAWƆL

¹⁷ Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”

Kelaraŋŋini 7:17 ပူးပေါင်းရင်းမြစ်များ

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 30:25

Kachɛ nɛ menyeeŋ kɔ n suge men doŋana be ebu lempoana nseŋ mɔ bumo be basa na, nɛ mbombi beeŋ shile abee nɛ apreŋ kikɛ so ŋ gbelge to.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 60:20

Epeŋi nɛ kufɔl kikɛ maaŋ naŋ tɔr ashi Jerusalɛm to. Ma, Enyɛnpe Ebɔrɛ na e naaŋ baa la kumo be kefulto mbaanaayɔ; saŋɛ na so menyi be kebɔltofinfin na kikɛ beeŋ fo ekar.

Aizaaya 65:19

Ŋ gbagba be kagbene beeŋ fuli ma ŋkpal Jerusalɛm nɛ kumo be basa so. Kushu nɛ kebɔltofinfin maaŋ naa wɔ ndoŋ.

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:11

Ndoŋ nna nɛ kache na bishi mo: “To, Ebunyampo, fo maŋ kɔ shɛŋ nfe nɛ fo jɔ nchu ketirbu ere to, ketirbu ere malɛ wɔ nchiŋ nna nɛ nnɛ nɛ feeŋ nya nchu nɛ a bee sa ŋkpa na?

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 21:4

E beeŋ kpra anishichubi kikɛ ashi bumo be anishito, luwu maaŋ naa wɔtɔ, luwu so be kagbenejija nɛ kushu maaŋ naa wɔtɔ, ebesa malɛ gba maaŋ naa wɔtɔ, ŋkpal manɛ so, amo be saŋɛ nɛ sososo be asheŋ kikɛ beeŋ choŋ.”

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.