Kelaraŋŋini 7:12 - EBƆRƐ BE KAWƆL

¹² ŋ kaŋɛ le: “Amɛn. Kapandi nɛ kemaŋkura nɛ kanyiasheŋ nɛ kechɔrɔ nɛ bunyaŋ nɛ eleŋ nɛ kuwibi to be eleŋ e baa la an be Ebɔrɛ na peya mbaanaayɔ. Amɛn.”

Kelaraŋŋini 7:12 ပူးပေါင်းရင်းမြစ်များ

Nehemaya 12:46

Dra na kikɛ ashi ewura Deevid nɛ Asaf be jemanɛ to, beshɛbompo na e naa juŋkparpo basa na a boŋ nshɛ a di Ebɔrɛ epaŋ.

Nehemaya 12:8

Livaiebi nɛ bumo alɛ gba bɛta m ba e la Joshuwa nɛ Binui nɛ Kadmiɛl nɛ Sherebia nɛ Juda nɛ Mataniya. Bumo nɛ bumo be bechɛtopo e daa juŋkpar a boŋ kapandi be nshɛ.

Nshɛ 100:4

Men bɔla mbe bɔrɛlambu na be mbunagboŋ to n luri mbe kelɔnɛ so m ba di mo epaŋ, nseŋ kpaŋ mo.

Nshɛ 106:48

Enyɛnpe, Israɛl be Ebɔrɛ, fo e daga esa ka kpaŋ fo mbaanaayɔ. Shin nɛ ekama e kaŋɛ, “Amɛn!” Men kpaŋ Enyɛnpe Ebɔrɛ na!

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Nshɛ 147:7

Men boŋ nshɛ ŋ kpaŋ Enyɛnpe Ebɔrɛ na; men laŋ ejaŋjilaŋ m boŋ nshɛ n sa anyi be Ebɔrɛ na.

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 89:52

Men baa kpaŋ Enyɛnpe Ebɔrɛ na mbaanaayɔ! Amɛn! Amɛn!

Nshɛ 95:2

Men shin nɛ an ta kapandi m ba boŋ nshɛ ŋ kpaŋ mo.

Aizaaya 51:3

Ma, Enyɛnpe Ebɔrɛ na beeŋ lolo basa nɛ b wɔ Jerusalɛm be alambure to na n wushi bumo kagbene. Jerusalɛm ka ki fanɛ keshishɛrsawule a dese ere gba, meeŋ shin nɛ k ki fanɛ kambɔl nɛ n daŋ nase kumo ketre Iden na. Saŋɛ na so kagbenefuli nɛ kagbenewushi beeŋ baa wɔ ndoŋ, nɛ basa e baa boŋ nshɛ a kpaŋ ma nsaa di ma epaŋ.”

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Romebi 11:36

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

1 Kɔrintebi 14:16

Nɛ fee ta fo kiyoyu a chɔrɔ Ebɔrɛ, nuso nɛ esa pɔtɛ mo nɛ e ba asɔri na to ŋkaa maa nu ŋgbar na bee wora a shuli ‘Amɛn’ a wɔtɔ fo kechɔrɔ na to? Ŋkpal manɛ so, e maŋ nyi kusɔ nɛ fee kaŋɛ.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 19:4

Nɛ bejuŋkparpo adunyɔ nɛ ana na nɛ asɔbɔya keniso ana gbir n dese kasawule m maŋ Ebɔrɛ mo nɛ e daa tase kuwurputi so na so nseŋ kaŋɛ awɔrso: “Amɛn. Halleluya.”