Kelaraŋŋini 6:8 - EBƆRƐ BE KAWƆL

⁸ Ndoŋ nna nɛ ŋ keni nɛ gbaŋɛ peperbi ko yil. Kumo be ediipo nɛ b daa tre Luwu, nɛ emo nɛ b daa tre Bubuni be Kakpa na malɛ bɛ mo so. B daŋ sa bumo eleŋ nɛ baaŋ ta m mɔ kasawule so be kenasopo na nna nɛ b ta tokobi m mɔ nseŋ naŋ bar akoŋ nɛ alɔ nɛ asɔbɔya lubiana.

Kelaraŋŋini 6:8 ပူးပေါင်းရင်းမြစ်များ

Aŋasa 5:5

Fo bɛ mo so e beeŋ yɛr fo bubuni to, ŋkpal manɛ so ekpa nɛ e bɔ so na bee yɔ luwu to nna.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 24:10

Meeŋ shin nɛ kena nɛ akoŋ nɛ alɔ e ba bumo so n ya fo fanɛ bumo to be ekoŋwule gba ka maaŋ ka kasawule nɛ n ta n sa bumo nɛ bumo nananyɛnana na so.”

Jɛremaya 29:17

E yɛ: “Meeŋ shin nɛ kena nɛ akoŋgboŋ nɛ alɔ e ba bumo so nseŋ shin nɛ b ki fanɛ figidibi be asɔrso bɛso nɛ a maŋ daga keji.

Jɛremaya 43:11

Ewura Nebukadneeza beeŋ ba kɔ Ijipt be basa kena nseŋ mɔ bumo be basa damta. Alɔ beeŋ mɔ beko nɛ b pɛ beko malɛ ŋ gberge bumo n yɔ Babilɔn be efuli so.

Ezikɛl 29:5

Kumo be kaman nɛ n ta fo nɛ ekɔrɔtɔ nɛ a mata fo so na kikɛ n lɛ keshishɛrsawule so nɛ fo ya dese ndoŋ a maaŋ nya kepuli. Meeŋ shin nɛ mbuibi nɛ asɔbɔya e ji fo.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Zakareya 6:3

Egbaŋɛ fuful e daa gberge gbaŋɛturko sasopo na nɛ egbaŋɛ muchɛr muchɛr malɛ daa gberge kenasopo na. Egbaŋɛ na kikɛ daa gberge amo eleŋso nna.

Matiu 11:23

Nɛ menyi alɛ Kapɛɛniamebi, menyi daa sha kemaŋ menyi be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to. Emamachisheŋ nɛ n wora menyi to ere, nɛ n daŋ wora amo Sodɔm to nna, dafanɛ k kraa wɔtɔ hale m ba fo mbre.

Matiu 24:7

Efuli ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo malɛ kena. Akoŋgboŋ beeŋ tɔr nɛ abembeŋ e ba kasawule ere so be mboŋ damtaana.

1 Kɔrintebi 15:55

Luwu, nnɛ nɛ feeŋ naŋ nya basa m pɔɔ so? O luwu nnɛ nɛ fo kedoro be eleŋ na naa wɔ?”

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 9:15

Ndoŋ nna nɛ b lara emalaika ana nɛ b daŋ ta bumo n yili awa ere to gbagba nɛ kabre be kachɛ ere gbagba nɛ kufɔl ere gbagba to nɛ kafɛ ere gbagba to na fanɛ b mɔ dimɛdi be kepɔrso to be ntuŋ nsa be katuŋ koŋwuleso.

Kelaraŋŋini 9:18

Ndoŋ nna nɛ kɔnɔso be etɔrɔ be asɔ asa na, amo e la edɛ nɛ edishi nɛ jɛrbi nɛ a shi amo be nnɔ na to m mɔ edimɛdi be ntuŋ nsa be katuŋ koŋwuleso na.