Kelaraŋŋini 6:5 - EBƆRƐ BE KAWƆL

⁵ Kpakpafɔlbi na ka bu tɔɔnɛ be kebersobi sasopo na to nɛ n nu kusɔbɔya keniso sasopo na ka tre: “Ba!” Ndoŋ nna nɛ ŋ keni nɛ gbaŋɛ lembir ko e yil. Kumo be ediipo daa kɔ kusɔ nɛ b kɔ a ta egbɛ na nna ashi mbe enɔ to.

Kelaraŋŋini 6:5 ပူးပေါင်းရင်းမြစ်များ

Nfabel 5:10

Akoŋ shin nɛ anyee lɔ hale a chicha, nɛ anyi be eyurana bel edɛ fanɛ asure to.

Ezikɛl 4:10

Feeŋ baa jɔ amo gbrɛgbrɛbi nna a wora ajibi kachɛ kama a ji,

Ezikɛl 4:16

Kumo be kaman nɛ e kaŋɛ ma: “Dimɛdi pibi, meeŋ shin nɛ akoŋ a tɔr Jerusalɛm be basa so nɛ ajibi be asheŋ a ki kpakpa ga n sa bumo nɛ b ta kafɔŋ nɛ kagbene jija a karga ajibi nɛ nchu nuuso a sa abar,

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Zakareya 6:2

Gbaŋɛ peper e daa gberge sososo be gbaŋɛturko na nɛ gbaŋɛ lembir malɛ daa gberge kenyɔsopo na.

Zakareya 6:6

Egbaŋɛ lembir na daa gberge gbaŋɛturko na nna a yɔ Babilɔn be efuli so nɛ k wɔ kelargato be esoso be kaba so na, nɛ egbaŋɛ fuful na malɛ daa yɔ epeŋitɔrkpa be kaba so nɛ bemuchɛr muchɛr na malɛ daa yɔ kelargato be kaseto be kaba so.

Matiu 24:7

Efuli ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo malɛ kena. Akoŋgboŋ beeŋ tɔr nɛ abembeŋ e ba kasawule ere so be mboŋ damtaana.

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.

Kelaraŋŋini 6:1

Nɛ n wu Kpakpafɔlbi na ka bu tɔɔnɛ be abersobi ashunu na be kuko to nseŋ nu asɔbɔya keniso ana na be kuko ka ta ebɔl ŋ kaŋɛ awɔrso fanɛ bɔrɛ be egbri ŋ kaŋɛ: “Ba!”