Kelaraŋŋini 6:17 - EBƆRƐ BE KAWƆL

¹⁷ Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”

Kelaraŋŋini 6:17 ပူးပေါင်းရင်းမြစ်များ

Nshɛ 110:5

Enyɛnpe Ebɔrɛ na wɔ fo jisa so nna; kachɛ nɛ e beeŋ nya agbo, e beeŋ pɔɔ bewura pɔtɛana so.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Aizaaya 63:4

N wora loŋ nna nɛ m bishi kuwule n sa ma basa ashi bumo doŋana so a ŋini fanɛ jemanɛ fo nɛ m mɔlga bumo.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 16:14

A la mbuibi lubiana be ayoyu nna a wora emamachisheŋ a yɔ durnya ere kikɛ be bewura kutɔ n ya kaa chala bumo a jo Enyɛnpetale Ebɔrɛ be kachɛgboŋ be kena na.

1 Samuɛl 6:20

Ndoŋ nna nɛ Bɛf Shimɛsh be benyɛn na bishi abar le: “Wanɛ e naŋ tiŋ n yili Enyɛnpe Ebɔrɛ cheembi ere be anishito n ji efute? K daga fanɛ an lara ŋkre be deka ere nfe, ama nnɛ nɛ anyeeŋ yɛr kumo?”