Kelaraŋŋini 5:6 - EBƆRƐ BE KAWƆL

⁶ Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.

Kelaraŋŋini 5:6 ပူးပေါင်းရင်းမြစ်များ

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Danɛl 8:3

Ndoŋ, nɛ n wu kpakpa ko ka kɔ alambɛ tenteŋ anyɔ, nɛ kuko wɔ nteŋ nsaa la kepopɔr a chɔ kuko.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Habakuk 3:4

Fo kemaŋkura bee nyɛkpɛ nna fanɛ epeŋi, nɛ kumo be kefulto bee shi fo enɔana to, kakpa nɛ fo eleŋgboŋ ŋana a wɔ na.

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Luuk 1:69

E sa anyi Emɔlgapo lempo nɛ e shi Deevid mbe kenya be kanaŋ to.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 1:36

Nɛ e wu Yesu ka bee choŋ nɛ e kaŋɛ: “Men keni Ebɔrɛ be Kpakpafɔlbi na.”

Ashuŋ Shunso 8:32

Abɔrɛsibɛ na to be kakpa nɛ e daa kraŋ na nde: “E daa du fanɛ kubolpɔ nɛ b kɔ a yɔ nɛ b ya teŋ nna. E daa du fanɛ kpakpafɔlbi nɛ baa ku kumo be afuibi nɛ k la to boeŋ nna. E daa maŋ kaŋɛ shɛŋ.

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:3

Kusɔ kama nɛ Ebɔrɛ so kɔnɔ maaŋ naa wɔ ndoŋ. Ebɔrɛ nɛ Kpakpafɔlbi na be kuwurputi e naaŋ baa wɔ ndoŋ nɛ mbe anya e baa maŋ mo so.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

Kelaraŋŋini 5:11

Kumo be kaman nɛ n naŋ keni nseŋ nu emalaika damtaana nɛ ŋgboŋ to be ŋgboŋ kudu be ebɔlana. B daŋ kulti kuwurputi na nna nɛ asɔbɔya keniso ana nɛ bejuŋkparpo na

Kelaraŋŋini 5:12

nsaa boŋ le awɔrso a kaŋɛ: “Kpakpafɔlbi nɛ b mɔ na e daga nɛ e nya eleŋ nɛ dama nɛ kanyiasheŋ nɛ kuwibi to be eleŋ nɛ bunyaŋ nɛ kemaŋkura nɛ epaŋ be kedi.”

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”

Kelaraŋŋini 5:14

Ndoŋ nna nɛ asɔbɔya keniso ana na kikɛ shuli ŋ kaŋɛ: “Amɛn.” Nɛ bejuŋkparpoana na gbir n dese kasawule m maŋ mo so.

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”