Kelaraŋŋini 5:1 - EBƆRƐ BE KAWƆL

¹ Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.

Kelaraŋŋini 5:1 ပူးပေါင်းရင်းမြစ်များ

Aizaaya 29:11

Kewuŋkaŋɛ be bɔrɛdare kikɛ be kifito beeŋ ŋana menyi so. K beeŋ baa du fanɛ kawɔl nɛ b ber so nna n ta n sa menyi. Men ta kumo n yɔ esa nɛ e nyi kakraŋ kutɔ fanɛ e kraŋ kumo n sa menyi gba, e beeŋ kaŋɛ fanɛ e maaŋ tiŋ ŋkpal k kaa ber so so.

Aizaaya 34:16

To, keni Enyɛnpe Ebɔrɛ na be asɔ keniso be kawɔl na to ŋ kraŋ kusɔ nɛ k bee kaŋɛ. K yɛ: “Enyɛnpe Ebɔrɛ na e bɔla mbe Kiyoyu be eleŋgboŋ so m bar mbe asɔ toso abar so. Amo be kukoŋwule kama maŋ foe.”

Aizaaya 8:16

Menyi nɛ men la ma bebɛsopo ere daga fanɛ men baa kuŋ nsaa keta abɔya nɛ Ebɔrɛ ta n sa ma ere nɛnɛ.

Danɛl 8:26

Bɔrɛdare nɛ fo wu a laŋɛ nchɛ ŋgboŋ anyɔ nɛ alfa asa be kaplɛa so ere beeŋ bɔlɔ so kashenteŋto, ama shin nɛ k ba la wulo to be kesheŋ, ŋkpal manɛ so, k beeŋ chɛr nna pɔɛŋ nseŋ wora.”

Zakareya 5:1

Kede be kaman nɛ n naŋ to kenishi ŋ keni n wu kawɔl sibɛso ko ka bee firgi afu to.

Kelaraŋŋini 10:2

E daa kɔ kawɔl sibɛsobi ko to nna nɛ k bugi a wɔ mbe enɔ to nseŋ ta mbe keya jiso n yuu teku so nseŋ ta mbe bena be keya malɛ n yuu kasawule so

Kelaraŋŋini 4:3

Esa nɛ e daa tase ndoŋ na daa kpa edɛ nna palpal, a du fanɛ kejembu nɛ baa tre jaspa na nna, nseŋ pere kpaiŋ fanɛ kejembu nɛ baa tre saadie na. Kabɔrɛnyaŋgelambi ko malɛ daa du fanɛ ɛmeraldi be kejembu nɛ k la kefitiri bumbuŋ nawule na daŋ kulti kuwurputi na.

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”

Kelaraŋŋini 5:7

Mo e daŋ ba esa nɛ e daŋ chena kuwurputi na so na kutɔ m ba sɔ kawɔl sibɛso na ashi mbe enɔjiso to.

Kelaraŋŋini 6:1

Nɛ n wu Kpakpafɔlbi na ka bu tɔɔnɛ be abersobi ashunu na be kuko to nseŋ nu asɔbɔya keniso ana na be kuko ka ta ebɔl ŋ kaŋɛ awɔrso fanɛ bɔrɛ be egbri ŋ kaŋɛ: “Ba!”

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.

Kelaraŋŋini 8:1

Kpakpafɔlbi na ka bu tɔɔnɛ be kebersobi shunusopo na to nɛ kakpa wora shruum fanɛ awa be bargato ashi ebɔrɛso.