Kelaraŋŋini 4:7 - EBƆRƐ BE KAWƆL

⁷ Sososo be kusɔbɔya keniso na daa du fanɛ buluŋ nna nɛ kenyɔsopo daa du fanɛ kena nɛ kesasopo daa kɔ anishiakpa fanɛ nyiŋgbasa nɛ kenasopo malɛ daa du fanɛ kusore ka bee firgi.

Kelaraŋŋini 4:7 ပူးပေါင်းရင်းမြစ်များ

Jɛnesis 49:9

Juda, fo du fanɛ buluŋ nna, mo e naa pɔɔ mo braana asɔbɔya so a mɔ bumo, nsaa bɛta a yɔ mbe eŋanakpa n ya kaa teŋi to a dese na. Wanɛ e naaŋ tiŋ n tɔrɔ mo?

2 Samuɛl 1:23

Kemaŋkura nɛ kasha nɛ basa daa kɔ n sa Sɔɔl nɛ Jonatan na daa shi ga. Bumo alɛ be ŋkpa nɛ luwu kikɛ malɛ to, b maŋ yige abar. B daa du manaŋ manaŋ a chɔ kajɔnɔkoso, nsaa kɔ eleŋ malɛ a chɔ ebuluŋ.

Aŋasa 28:2

Efuli be basa baa kɔ kumu kpakpaso, baa chɛrga bejuŋkparpo manaŋ manaŋ nna. Ama ejuŋkparpo nyiashempo bre bee ji kuwura nna a chɛr.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Ezikɛl 1:10

Anishito ana nɛ ekama kɔ na malɛ daa kɔr abar to nna. Bumo be anishito be kaba so daa la dimɛdi be anishito nna, nɛ jisoso be kaba so la buluŋ be anishito, nɛ bena so la gbolu be anishito nɛ kaman malɛ peya na la kusore be anishito.

Ezikɛl 1:8

Asɔbɔya keniso na be ekama daa kɔ dimɛdi be enɔ nna ashi mbe aba ana na be kekama be kaseto.

Ezikɛl 10:14

Asɔbɔya keniso na be ekama daa kɔ anishiakpa ana nna. Bumo be anishito daa la dimɛdi be anishiakpa nna nɛ bumo be jisoso daa la buluŋ be anishiakpa nɛ bumo be bena so la gbolu be anishiakpa nɛ bumo be kaman to daa la kusore be anishiakpa.

Ezikɛl 10:21

Bumo be ekama daa kɔ anishiakpa ana ana nɛ mbuibi be aba ana ana nna, nɛ bumo be aba na be kekama malɛ be kaseto daa kɔ kusɔ ko fanɛ dimɛdi be enɔ.

Danɛl 7:4

Kumo nɛ k daŋ juŋkpar n lar na daa du fanɛ buluŋ nna nsaa kɔ atɛ fanɛ kajɔnɔkoso. Ŋ ka bee keni kumo na, nɛ n wu kumo be atɛ ka tia. Nɛ b maŋ kumo so n yili kumo be aya so fanɛ dimɛdi nseŋ ta dimɛdi be nfɛra n wɔtɔ kumo to.

Obadaya 1:4

Kashenteŋ nna fanɛ fo wɔ awɔlto fanɛ kajɔnɔkoso ka bee firgi nna, fo alɛ nseŋ ta fo kowu n ya yuu fanɛ k kaa wɔ achɛkpabi to na, ama ma, Enyɛnpetale na e kaŋɛ fo na fanɛ meeŋ shin nɛ fo shi kakpa nɛ fo wɔ ere m ba kaseto.

Nɔmbɛs 23:24

Israɛlebi du fanɛ buluŋ lempo nna. K maa wushi kikɛ, ama k baŋ mɔ kumo be kusɔ jiso nna n ji, nseŋ dente kumo be ŋklaŋ.”

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

Kelaraŋŋini 4:6

Kusɔ ko malɛ daa du fanɛ digi a dese fanɛ teku kuwurputi koŋwule na be anishito a wu to kleembi. Asɔbɔya keniso ana ko malɛ gba daa yil kuwurputi na be mboŋ ana nna nsaa kɔ anishi amo be anishito nɛ amo be mmanto be kaplɛkama.

Kelaraŋŋini 6:3

Kpakpafɔlbi na ka naŋ bu tɔɔnɛ be kebersobi nyɔsopo na to nɛ n nu kusɔbɔya keniso nyɔsopo ka tre: “Ba!”

Kelaraŋŋini 6:5

Kpakpafɔlbi na ka bu tɔɔnɛ be kebersobi sasopo na to nɛ n nu kusɔbɔya keniso sasopo na ka tre: “Ba!” Ndoŋ nna nɛ ŋ keni nɛ gbaŋɛ lembir ko e yil. Kumo be ediipo daa kɔ kusɔ nɛ b kɔ a ta egbɛ na nna ashi mbe enɔ to.

Kelaraŋŋini 6:7

Kpakpafɔlbi na ka bu tɔɔnɛ be kebersobi nasopo na to nɛ n nu kusɔbɔya keniso nasopo na ka kaŋɛ: “Ba!”