Kelaraŋŋini 4:2 - EBƆRƐ BE KAWƆL

² Epul na to nɛ Kiyoyu Cheeŋ na koso ma kikɛ to nɛ ŋ keni n wu kuwurputi ebɔrɛso nɛ esa ko tase kumo so.

Kelaraŋŋini 4:2 ပူးပေါင်းရင်းမြစ်များ

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

Aizaaya 6:1

Kafɛ nɛ ewura Uzzaya wu na nɛ ŋ ku bɔrɛdare n wu Enyɛnpe Ebɔrɛ na nɛ e tase mbe kuwurputi so kemaŋkura nɛ bunyanso. Mbe kuwurpiŋi daŋ sɔ bɔrɛlambu na be kaplɛkama nna.

Jɛremaya 17:12

Anyi be bɔrɛlambu du fanɛ kemaŋkura be kuwurputi nɛ k yil kebee jeŋgreŋ so sososo na kikɛ nna.

Ezikɛl 1:26

Ndoŋ nna nɛ ŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre ‘Saffai’ na n lɔŋɛ, nseŋ naŋ wu esa ko ka duli dimɛdi nɛ e tase kuwurputi na so.

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Ezikɛl 10:1

Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Matiu 22:43

Ndoŋ nna nɛ e bishi bumo le: “To, nɛ a ji nuso nna nɛ Kiyoyu Cheeŋ na daŋ bugi Deevid be kagbene n shin nɛ e tre mo mo Nyɛnpe ŋ kaŋɛ le:

Hibruwebi 8:1

Kusɔ nɛ anyee malga ere kikɛ nde fanɛ an kɔ bɔrɛmatapo nimuso mo nɛ e chena Ebɔrɛ be jisoso ashi mbe kemaŋkuragboŋ be kuwurputi ase ebɔrɛso.

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.

Kelaraŋŋini 12:5

Ndoŋ nna nɛ kache na kurge ebinyɛn mo nɛ e beeŋ ba ta kagbene kpakpaso n ji efuli kama so ebi kuwura. Kache na ka kurge kebia na nɛ b ba fuu kebia na epul na to n yɔ Ebɔrɛ nɛ mbe kuwurputi ase.

Kelaraŋŋini 17:3

Kede be kaman nɛ malaika na keta ma kiyoyu to n yɔ kiyi to, ndoŋ nɛ n ya wu kache ko nɛ e tase kusɔbɔya peper ko so nɛ b sibɛ kabɔrɛtegeso be atre n deŋi kusɔbɔya na kikɛ so. Kusɔbɔya na daa kɔ amu ashunu nɛ alambɛ kudu nna.

Kelaraŋŋini 19:4

Nɛ bejuŋkparpo adunyɔ nɛ ana na nɛ asɔbɔya keniso ana gbir n dese kasawule m maŋ Ebɔrɛ mo nɛ e daa tase kuwurputi so na so nseŋ kaŋɛ awɔrso: “Amɛn. Halleluya.”

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 21:10

Ndoŋ nna nɛ e ta ma kiyoyu to n yɔ kebee gboŋgboŋi jeŋgreŋ ko so n ya ŋini ma kadegboŋ cheembi na, kumo e la Jerusalɛm na nɛ k shi Ebɔrɛ kutɔ ashi ebɔrɛso a ba.

Kelaraŋŋini 21:5

Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 4:5

Ndoŋ nna nɛ bɔrɛ shi kuwurputi na akpa a ponte to a gbri le gbrugbru nsaa nyɛkpɛ palpal nɛ efitila ashunu yil kuwurputi na be anishito a suse. Ndia ashunu na e la Ebɔrɛ be ayoyu ashunu na.

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.