Kelaraŋŋini 3:4 - EBƆRƐ BE KAWƆL

⁴ Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.

Kelaraŋŋini 3:4 ပူးပေါင်းရင်းမြစ်များ

1 Bewura 19:18

Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

Nshɛ 68:14

Enyɛnpetale Ebɔrɛ na shin nɛ efuli na so be bewura pesaŋ to, fanɛ kananɛ abɔrɛjembubi bee tɔr kebee nɛ baa tre Zalmɔn na so a pesaŋ to na.

Kaŋinichiŋgeliŋ 9:8

Baa buu asɔ fuful jemanɛ kikɛ nsaa saŋɛ kenishito a wora asheŋ kagbenefuliso

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Levitikɔs 13:48

kechɛbi nɛ b ta ateebi be jese ŋko jese pɔtɛ n lue, ŋko kusɔ nɛ b ta kusɔbɔya be kawɔl n wora a puu,

Matiu 10:11

Kadegbombi ŋko kadebi kama nɛ men baŋ fo, men luri kumo to n fin esa nɛ e daga men ka luri mo pe. Menyi alɛ baŋ luri ndoŋ, men baa wɔ ndoŋ loŋ hale nɛ men ya lar kade na to.

Maak 16:5

Ndoŋ nna nɛ b luri nchaŋ na to n ya wu kabrantiɛbia ko nɛ e tase jisoso m buu piŋi fuful, nɛ k chinchiŋ bumo.

Luuk 20:35

ama benyɛn nɛ beche nɛ b daga ketiŋi luwu to a wɔ ŋkpa to jemanɛ na so na, maaŋ ba kaa ta beche ŋko m ba kaa yɔ kakil to.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

2 Tɛsalɔnikaebi 1:5

Kede ere e naaŋ ŋini Ebɔrɛ be demu be keji ka du cheembi, ŋkpal manɛ so, ade kikɛ e shin nɛ men daga mbe kuwura nɛ men kpal kumo so a ji awurfoŋ na.

Juud 1:23

Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.

Kelaraŋŋini 4:4

Nwurputi adunyɔ nɛ ana ko malɛ gba daŋ chambɔ ŋ kulti kuwurputi mo na nɛ bejuŋkparpo adunyɔ nɛ ana chena n chena amo so. B daŋ buu asɔ fuful nna nseŋ buu shuwa be nwurwuro.

Kelaraŋŋini 6:11

Ndoŋ nna nɛ b ta epiŋi fuful n sa bumo be ekama nseŋ kaŋɛ bumo fanɛ b baa kraa jo gbrɛ pɔɛŋ nɛ bumo braana anya nɛ bumo kurgepoana mo nɛ basa beeŋ mɔ fanɛ kananɛ b daŋ mɔ bumo alɛ gba na nyam e ya ba abar so.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.