Kelaraŋŋini 3:19 - EBƆRƐ BE KAWƆL

¹⁹ Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

Kelaraŋŋini 3:19 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Job be kawɔl 5:17

Kagbenefuli la esa kama nɛ Enyɛnpetale Ebɔrɛ bee niŋi ekpa na peya nna. Amoso sa maŋ kaŋ keni mbe kefiɛso jiga.

Nshɛ 39:11

Fee gberge dimɛdi kusoe alegaiso ŋkpal mbe alubi so nna. Fee jija anyi be asɔ lela nna fanɛ kananɛ elala bee jija asɔbuuso na. Dimɛdi du fanɛ afu ka ber n choŋ nna.

Nshɛ 6:1

Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.

Nshɛ 69:9

Kasha nɛ ŋ kɔ n sa fo bɔrɛlambu na bee chɔ ma to nna fanɛ edɛ, nɛ basa baa tege fo, k bee lɛa ma alɛ gba nna.

Nshɛ 94:10

Mo ere Ebɔrɛ nɛ e bee fɛa efuliana na so na; nɛ b wora n da mo so, e maaŋ gberge bumo kusoe a? Mo ere nɛ e bee ŋini bumo asheŋ na bre maŋ nyi asheŋ a?

Aŋasa 15:10

Kasogberge gboŋgboŋi bee jo ekama nɛ e maa bɔla ekpa niŋiso so a wora asheŋ na nna. Ekama nɛ e kini keŋini nsaa bɛ ekpa nɛ k maŋ niŋi na so beeŋ wu.

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 22:15

Kasogberge be kuchuchɔ e naa ju kawulisheŋ nɛ k bɔlɔ kebia to.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Jɛremaya 10:24

Ŋini fo basa akpa, Enyɛnpe Ebɔrɛ, ama sa maŋ kaŋ nyaŋ anyi ga ŋko ŋ gberge anyi kusoe kanya agbo so; nɛ mannɛ aloŋ anyeeŋ wu.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Matiu 25:7

Ndoŋ nna nɛ besuŋgurbi na kikɛ koso n lɔŋɛ bumo be efitila to.

Baru lela nɛ Jɔn kute na 2:17

Ndoŋ nna nɛ mbe bebɛsopoana nyiŋi abɔrɛsibɛ na ka bee kaŋɛ fanɛ: “Kasha nɛ fo kɔ a sha fo pe ere shi ma to ga hale a chɔɔ ma to fanɛ edɛ na.”

Romebi 12:11

Men baa shuŋ ga nsaa maa wora ntɔl. Men baa bugi menyi be ŋgbene kikɛ to a shuŋ Enyɛnpe kashenteŋto.

1 Kɔrintebi 11:32

Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

2 Kɔrintebi 6:9

B yɛ basa maŋ nyi anyi nɛ basa damta malɛ nyi anyi nɛnɛ, b yɛ anyee wu nna, ama anyi alɛ baa wɔ ŋkpa to nna a yɔ, baa gberge anyi kusoe, ama anyi alɛ maa wu.

2 Kɔrintebi 7:11

Men keni kusɔ nɛ le be kagbenejija nɛ k bee par Ebɔrɛ ere bar menyi, kananɛ k ta menyi ŋ ki kenishiperewuraana. Men keni kananɛ k bar menyi men be amu be kekɔnsɔ be eleŋ loŋ nseŋ keni kananɛ k shin nɛ men be ŋgbene kaa nɛ kananɛ k bar menyi kufu nɛ kasha nɛ ŋgbene mo nɛ a maa lar esa kaman. Men naŋ keni kananɛ k shin nɛ menyee sha kewu asheŋ nɛ amo be kashenteŋ be ekpa so loŋ. Kashenteŋto, men ŋini fanɛ ekpa kama so, men maŋ wora n da so ashi le be asheŋ ere to.

Galeeshaebi 4:18

Keshin nɛ asheŋ e baa wɔ menyi to walɛ nɛ asheŋ na baa la alelasheŋ nna na a wɔ menyi to saŋkikɛ, mannɛ saŋɛ nɛ n wɔ men kutɔ nawule.

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Kelaraŋŋini 2:5

Men keni ketɔr gboŋgboŋi nɛ men tɔr na. Men lar men be alubi to nseŋ naa wora asheŋ nɛ men daa wora sososo na. Nɛ men baa maŋ lar men be alubi na to, meeŋ ba menyi kutɔ m ba ta men be kefitilatɔl ashi kumo be eyilikpa.