Kelaraŋŋini 3:18 - EBƆRƐ BE KAWƆL

¹⁸ Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.

Kelaraŋŋini 3:18 ပူးပေါင်းရင်းမြစ်များ

Nshɛ 107:11

ŋkpal men ka daŋ kini Enyɛnpetale Ebɔrɛ na n lɛ, nseŋ kplaŋ mbe kasotoji so na so.

Nshɛ 16:7

Meeŋ chɔrɔ Enyɛnpe Ebɔrɛ nɛ e bee ji ma asoeto na. E bee bɔla ma kagbene to nna a malga a sa ma kanyɛso gba.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Aŋasa 1:25

Fo kplaŋ ma kasotoji kikɛ so, nseŋ kini fanɛ fo maaŋ shin nɛ n niŋi fo ekpa.

Aŋasa 1:30

Fo kini ma kasotoji nsaa maŋ shin nɛ n niŋi fo ekpa.

Aŋasa 19:20

Esa nɛ e bee nu kasotoji nɛ keŋini, bee ki enyiashempo nna.

Aŋasa 23:23

Jija amansherbi ŋ koya kashenteŋji nɛ kanyiasheŋ nɛ kamootiŋ. Sa maŋ yige amo n lɛ kikɛ.

Kaŋinichiŋgeliŋ 8:2

Fo baŋ nase kɔnɔ Ebɔrɛ be anishito fanɛ feeŋ baa nu a sa ewura, kumo ere a daga fanɛ fo baa wora loŋ.

Aizaaya 47:3

Basa beeŋ wu men be kesaria nseŋ wu kananɛ men ba kaseto n ji anishinyɔr. Meeŋ gberge Babilɔn be basa kikɛ kusoe ŋkpal bumo be alubi so, nɛ esa kikɛ maaŋ tiŋ ŋ kuŋ ma ekpa.”

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Jɛremaya 13:26

Enyɛnpe Ebɔrɛ na gbagba e naŋ delge fo so n shin nɛ fo ji anishinyɔr.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Maika 1:11

Menyi Shafir nɛ Zaanan be nde to ebi e delgeso nseŋ ta anishinyɔr n shile n yɔ efuli pɔtɛ so. Basa nɛ b wɔ kadegboŋ nɛ baa tre Zaanan na maaŋ shuli n lar bumo be kade na to. Betezel be kade to ebi bee shu nna ŋkpal kusɔ nɛ k bee kuŋ kumo na ka maŋ naa wɔtɔ so.

Nahum 3:5

Ade be kaman nɛ Enyɛnpetale Ebɔrɛ na kaŋɛ: “Ŋ ki fo, Ninɛve, mo doŋ nna na. Meeŋ delge fo so nɛ efuli pɔtɛana na e wu fo kesaria nɛ nyɔmɔ e pɛ fo.

Malakai 3:3

Mbe demu be keji beeŋ baa du nna fanɛ b ka ŋalga gbiti a lara amo be eyurpi nna. Kananɛ bɔyɛpo bee ŋalga gbiti nɛ shuwa a lara amo be eyurpi na, nɛ Enyɛnpe gba beeŋ fɔr bɔrɛmatapoana na so, saŋɛ na so baaŋ ta esarga nɛ a daga m ba sa mo Enyɛnpe Ebɔrɛ na.

Matiu 13:44

Nɛ Yesu naŋ kaŋɛ: “Ebɔrɛso be kuwura na du fanɛ kusɔ shaso ko ka ŋana a wɔ kasawule ko to nna. Ndoŋ nna nɛ kanyɛn ko ya wu kumo nɛ mbe kagbene fuli mo ga nɛ e lɔŋɛ kumo ŋ ŋana kasawule to nɛnɛ. Kumo be kaman nɛ e ya ta mbe asɔ kikɛ n fa nseŋ ya tɔ kasawule na.”

Matiu 25:9

Nɛ benyiashempo na malɛ kaŋɛ bumo le: ‘Ayai, anyi maaŋ tiŋ n sa menyi, ŋkpal manɛ so, shere a maaŋ fo anyi nɛ menyi kikɛ. Kusɔ nɛ k daga men ka wora e la fanɛ men yɔ keresinfapoana na kutɔ n ya tɔ ako.’

Luuk 12:21

Nɛ Yesu kaŋɛ: “To, kusɔ nɛ k beeŋ nya basa nɛ b maŋ kɔ shɛŋ Ebɔrɛ be anishito nsaa wɔtɔ a chala asɔ a sa bumo be amu nna na.”

2 Kɔrintebi 5:3

Ŋkpal manɛ so, nɛ an baŋ buu kusɔbuuso na, an maaŋ naŋ delge so a wɔtɔ.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:17

Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.

Kelaraŋŋini 4:4

Nwurputi adunyɔ nɛ ana ko malɛ gba daŋ chambɔ ŋ kulti kuwurputi mo na nɛ bejuŋkparpo adunyɔ nɛ ana chena n chena amo so. B daŋ buu asɔ fuful nna nseŋ buu shuwa be nwurwuro.

Kelaraŋŋini 7:13

Ndoŋ nna nɛ bejuŋkparpoana na be eko bishi ma: “Nuso be basa e la basa nɛ b buu epiŋi fuful ere nɛ nnɛ nɛ b shi?”