Kelaraŋŋini 3:17 - EBƆRƐ BE KAWƆL

¹⁷ Men yɛ: An dii dama n nya kusɔ kama nyam nɛ anyee sha, anyi maŋ naa sha shɛŋ. Ama menyi alɛ maŋ nyi fanɛ men la awurfoŋwuraana nɛ basa nɛ bumo be asheŋ kɔ kuwɔr nɛ betirpo nɛ betanpo nɛ basa delgeso nna.

Kelaraŋŋini 3:17 ပူးပေါင်းရင်းမြစ်များ

Jɛnesis 3:7

B ka ji kusɔrso na nɛ bumo benyɔ kikɛ be anishi bugi nɛ b pin fanɛ b na kayurkpaŋ nna. Ndoŋ nna nɛ b chuge kedibi nɛ baa tre figi na be afantaŋ m ba m mata abar n dela.

Ɛksodɔs 32:35

Kumo be kaman nɛ Enyɛnpe Ebɔrɛ bar kulɔ lubi ko m ba lɛ basa na so, ŋkpal b ka daŋ nyaŋ Ɛɛrɔn nɛ e lɔŋɛ shuwa be kenabi na so.

Aŋasa 13:7

Basa ko bee ta bumo be amu nna fanɛ damawuraana, ama bumo alɛ maŋ kɔ shɛŋ. Beko malɛ bee ta bumo be amu nna fanɛ betirpo, bumo alɛ nsaa la damawuraana kashenteŋto.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aizaaya 42:19

Esa maŋ tan a chɔ ma kayɛrbi ŋko a la kpawu a chɔ ma kabɔ nɛ n shuŋi na.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Hoziya 12:8

Men yɛ: ‘Damawuraana e la anyi nɛ an kɔ amansherbi nɛnɛ. Esa kama malɛ maaŋ tiŋ ŋ kaŋɛ anyi fanɛ an puni nna ŋ ki damawuraana.’

Zakareya 11:5

Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Matiu 9:12

Yesu ka nu kusɔ nɛ b kaŋɛ na nɛ e kaŋɛ: “Basa nɛ b kɔ alenfia maa fin echɛpo she basa nɛ baa lɔ.

Luuk 1:53

E sa bumo nɛ akoŋ bee mɔ na asɔ lela ga nseŋ shin nɛ damawuraana bɛta n yɔ nɛ enɔfuloŋ.

Luuk 6:24

Asheŋ maaŋ ba nyalɛ n sa menyi nɛ men wɔ kebaawɔtɔ belbelso to a kɔ asɔ naniere kikɛ, ŋkpal manɛ so, men teŋ nya men be tɔnɔ.

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:3

Ŋkpal Ebɔrɛ be kuwɔr be kakɛ nɛ e sa ma so, mee kaŋɛ menyi be ekama nna fanɛ e sa maa maŋ mbe kumu so a chɔ kananɛ e baa du. Ama men baa fɛ bebɔlpo be nfɛra a sa menyi be amu a kɔ loŋ be nfɛra na a yuu kananɛ yirda nɛ Ebɔrɛ sa ekama na sa so.

Romebi 7:24

Yee, nuso bre be asheŋ e nya ma le? Nɛ wanɛ malɛ e naaŋ mɔlga ma ashi le be eyur nɛ k kɔ ma a yɔ luwu to ere?

2 Pita 1:9

Esa kama nɛ e maŋ kɔ loŋ be asɔ na tan nna na, mo alɛ maa wu a yɔ kufɔ, mo alɛ nseŋ naŋ teŋ so fanɛ Ebɔrɛ kpra mbe alubi nɛ a daa wɔ mo so na kikɛ ashi mo so.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:16

Ama ŋkpal men ka du yulɛyulɛbi fanɛ nchu a maa tushi, menyi alɛ maŋ naŋ wushi na so, meeŋ luu menyi ashi ma kɔnɔ to n lɛ.