Kelaraŋŋini 3:15 - EBƆRƐ BE KAWƆL

¹⁵ N nyi men be aworbi kikɛ fanɛ men la basa nɛ men maŋ wushi, menyi alɛ maŋ naa tushi. Men daŋ baa la basa nɛ b wushi ŋko bumo nɛ baa tushi, k daa beeŋ baa kɔ kifito.

Kelaraŋŋini 3:15 ပူးပေါင်းရင်းမြစ်များ

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Hoziya 7:8

Enyɛnpe Ebɔrɛ yɛ: “Israɛl be basa du nna fanɛ bodobodo nɛ k maŋ bel nna. Efuli pɔtɛana be basa kutɔ nɛ baa yɔ n ya kaa fin kechɛto.

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Matiu 24:12

Ŋkpal alubi malɛ ka wora keshi so, basa damta be kasha be eleŋ beeŋ yɔɔ.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Romebi 12:11

Men baa shuŋ ga nsaa maa wora ntɔl. Men baa bugi menyi be ŋgbene kikɛ to a shuŋ Enyɛnpe kashenteŋto.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

Jeems 1:8

ŋkpal manɛ so, nfɛranyɔnyɔwura be asheŋ woraso kikɛ maa lar anishi.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

Kelaraŋŋini 2:4

Ama kusɔ lubi nɛ n wu menyi so nde fanɛ men lɛ men be sososo be kasha na.

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

Kelaraŋŋini 3:16

Ama ŋkpal men ka du yulɛyulɛbi fanɛ nchu a maa tushi, menyi alɛ maŋ naŋ wushi na so, meeŋ luu menyi ashi ma kɔnɔ to n lɛ.