Kelaraŋŋini 3:14 - EBƆRƐ BE KAWƆL

¹⁴ Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:14 ပူးပေါင်းရင်းမြစ်များ

Jɛnesis 49:3

Ruben, fo e la ma wurkoŋ nɛ ma eleŋ nɛ kebia nɛ e juŋkpar n lar ŋ ŋini fanɛ n la enyɛn. Fo nɛ bunyaŋ nɛ eleŋ daa shi fo to a chɔ ma kebia kama.

Aŋasa 14:5

Kashenteŋ be shɛdajipo maa fule, ama efɛ be shɛdajipo bre be kamalga kikɛ la efɛ nna.

Aŋasa 8:22

Ma nɛ Enyɛnpe Ebɔrɛ na juŋkpar n to. Dradra na kikɛ nɛ e to ma.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 42:5

Ndoŋ nna nɛ b kaŋɛ ma le: “Enyɛnpe Ebɔrɛ na gbagba e naaŋ baa la anyi be kashenteŋ be shɛdajipo fanɛ an nase kɔnɔ fanɛ anyeeŋ wora kusɔ kama nɛ e beeŋ bɔla fo so ŋ kaŋɛ anyi.

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Baru lela nɛ Jɔn kute na 8:14

Nɛ Yesu kaŋɛ bumo: “Hale nɛ n ji ma kumu so be shɛda gba, asɔ nɛ mee malga ere kɔ kashenteŋ, ŋkpal manɛ so, n nyi kakpa nɛ n shi m ba nseŋ naa nyi kakpa nɛ mee yɔ, ama menyi ere maŋ nyi kakpa nɛ n shi m ba nɛ kakpa nɛ mee yɔ.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

Kɔlɔsiebi 2:1

Mee kaŋɛ menyi kesheŋ ere nna ŋkpal ŋ ka bee sha men ka pin kananɛ mee mɔ ma kumu a sa menyi nɛ bumo nɛ b wɔ Laodisiya nɛ bumo nɛ b maŋ naŋ wu ma kikɛ na,

Kɔlɔsiebi 4:16

Men kaŋ kraŋ kawɔl ere n sa abar n loge, men shin nɛ esa ko e kraŋ kumo n sa Laodisiya be asɔriebi na gba. Ma kawɔl nɛ n sibɛ n sa Laodisiyaebi na, menyi Kɔlɔsiebi gba e ya sɔ kumo m ba kraŋ.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:13

Ma e la Alfa nɛ Omega, Faraŋko nɛ Lalaloge nɛ Ejuŋkparpo nɛ Emantopo na.

Kelaraŋŋini 22:6

Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.