Kelaraŋŋini 3:10 - EBƆRƐ BE KAWƆL

¹⁰ Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.

Kelaraŋŋini 3:10 ပူးပေါင်းရင်းမြစ်များ

Aizaaya 24:17

Ekama e nu nfe! Kufugboŋ nɛ amaŋ chiŋgeliŋ nɛ ajigbelɛ dese a jo menyi.

Danɛl 12:10

Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Matiu 26:41

Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Maak 14:9

Ma e kaŋɛ menyi kashenteŋto na fanɛ, kaplɛkama nɛ b bɔ baru lela na durnya ere kikɛ to, baaŋ malga kusɔ nɛ e wora ere be asheŋ n nyiŋi mo.”

Luuk 2:1

Kumo be jemanɛ na nɛ Ewura Ɔgastes kaŋɛ fanɛ b karga mbe efuli so be basa kikɛ.

Baru lela nɛ Jɔn kute na 17:6

N ta fo asheŋ ŋ ŋini basa nɛ fo lara durnya ere to m bɔɔ ma enɔ na. B daa la feya nna nɛ fo ta bumo m bɔɔ ma enɔ nɛ b ta fo kamalga na n wɔtɔ bumo be ŋgbene to.

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

Ɛfesesebi 6:13

Amoso, men ta Ebɔrɛ be akɔsɔ naniere m buu ŋ kre to, saŋɛ na so kachɛ lubi na kaŋ tu menyi, menyeeŋ tiŋ n nya aya n yili. Nɛ menyi alɛ baŋ tiŋ n wora kusɔ kama, menyeeŋ nya n yili to kpakpa.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.

Jeems 3:12

Ŋ kurgepoana, menyi alɛ gba baa nyi mangodibi ka maaŋ tiŋ n sɔr apɔl nseŋ naa nyi kapibidibi ka maaŋ tiŋ n sɔr emaŋgo ŋko? Loŋ koŋwule na nɛ esa maaŋ tiŋ n nya nchu belbelso ashi nchu kerkra to.

1 Pita 4:12

Ma basa shaso, men sa maŋ shin nɛ men be ŋgbene e baa wora menyi kanaŋ ko kechɔŋkeni nɛ k bee ba menyi so fanɛ edɛ be kuwuloŋ na so a fɛ fanɛ mamachi be kesheŋ ko e naa nya menyi.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.

Kelaraŋŋini 16:14

A la mbuibi lubiana be ayoyu nna a wora emamachisheŋ a yɔ durnya ere kikɛ be bewura kutɔ n ya kaa chala bumo a jo Enyɛnpetale Ebɔrɛ be kachɛgboŋ be kena na.

Kelaraŋŋini 17:2

Kasawule ere so be bewurgboŋ nɛ sakalechegboŋ na ji abar kesakalea so nɛ durnya ere to be basa malɛ nuu mbe kesakalea be nsa m boo.”

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 3:8

N nyi men be aworbi. Men nu nfe, m bugi kabuna mo nɛ esa kikɛ maaŋ tiŋ n ti na n yili menyi. N nyi men ka maŋ kɔ eleŋ ga, ama men ta ma mmalga n wɔtɔ men be ŋgbene to ŋkaa maŋ lar ma ketre na kaman.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”