Kelaraŋŋini 22:6 - EBƆRƐ BE KAWƆL

⁶ Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.

Kelaraŋŋini 22:6 ပူးပေါင်းရင်းမြစ်များ

Jɛnesis 41:32

Ewura Fɛɛro, kusɔ nɛ k ba nɛ edare anyɔ na duli abar m ba fo kutɔ na e la fanɛ Ebɔrɛ yili kumo nna fanɛ abaanaaworasheŋ, e beeŋ wora kumo. K maaŋ chɛr gba.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Luuk 1:70

Dra na kikɛ nɛ e shin nɛ mbe anebi cheembiana kaŋɛ le:

Luuk 16:16

Mbra nɛ Ebɔrɛ daŋ bɔla anebi Mosis to n sa na nɛ asheŋ nɛ anebiana na daŋ malga na daŋ tar Jɔn kabɔrɛbɛrpo so nna. Yili mbe jemanɛ na a ba, Ebɔrɛ be kuwura na so be baru lela be kubɔya nɛ baa bɔ nɛ ekama bee kɔ a fin keluri kuwura na to.

Ashuŋ Shunso 12:11

Ndoŋ nna nɛ Pita pin kusɔ nɛ k wora mo na nseŋ kaŋɛ: “Naniere nɛ m pin kashenteŋto fanɛ Enyɛnpe e shuŋi mbe malaika nɛ e ba lara ma ashi Hɛrɔd be eleŋ nɛ asɔ nɛ Juwebi na daa fɛ na kikɛ to.”

Ashuŋ Shunso 3:18

Dra na kikɛ nɛ Ebɔrɛ shin nɛ anebiana kikɛ wu ŋ kaŋɛ fanɛ mbe Kristo na beeŋ ba ji awurfoŋ, kumo nɛ e shin nɛ k bɔla ekpa le ere na.

Romebi 1:2

Dradra na kikɛ nɛ mo ere Ebɔrɛ na bɔla mbe anebiana so nɛ abɔrɛsibɛ cheembi na to n nase kɔnɔ

1 Kɔrintebi 14:32

Abɔrɛsheŋ be bewuŋkaŋɛpoana gbagba e wɔ bumo be kewuŋkaŋɛ be ayoyu.

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Hibruwebi 12:9

Nɛ men ta fanɛ an tuto kurgesoana durnya ere to, menyeeŋ wu fanɛ saŋko b daa niŋi a niŋi anyi ekpa nna nɛ an daa sa bumo bunyaŋ ŋkpal loŋ so. To, nɛ fo keni anyi be ayoyu be Etuto na, a maŋ daga fanɛ an nu n sa mo nseŋ nya ŋkpa a wɔtɔ a?

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

2 Pita 3:2

Mee sha fanɛ men nyiŋi mmalga nɛ anebi cheembiana na daŋ malga dra na nɛ kamalga nɛ an Nyɛnpe nɛ an be Emɔlgapo daŋ bɔla men be beshuŋipoana so m malga n nase na.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”

Kelaraŋŋini 21:5

Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”

Kelaraŋŋini 21:9

Ndoŋ nna nɛ emalaika ashunu mo nɛ b daa kɔ ntishaŋ ashunu nɛ a daŋ bɔlɔ lalaloge be etɔrɔ ashunu na be eko ba ŋ kutɔ m ba kaŋɛ ma le: “Ba nɛ ŋ ŋini fo kejafɔ na, Kpakpafɔlbi na be eche na.”

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 22:7

Yesu yɛ: ‘Men keni, m maaŋ naŋ chɛr nseŋ ba. Kagbenefuli beeŋ baa la ekama nɛ e bee ta mmalgawuŋkaŋɛ nɛ a wɔ kawɔl ere to ere a wɔtɔ mbe kagbene to peya nna.’ ”

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”