Kelaraŋŋini 22:5 - EBƆRƐ BE KAWƆL

⁵ Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.

Kelaraŋŋini 22:5 ပူးပေါင်းရင်းမြစ်များ

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Danɛl 7:18

Ama Enyɛnpetale Ebɔrɛ na e ta kuwurji na n sa mbe basa laraso nɛ k baa la bumo peya hale mbaanaayɔ.”

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Zakareya 14:7

K beeŋ baa la kachɛ nɛ k kɔr nchɛ kikɛ to nna. Karechɛ ŋko kanyɛ maaŋ naa wɔtɔ. Kanyɛ biri gba kakpa kraa beeŋ fulto parr. Enyɛnpe Ebɔrɛ na nawule e nyi saŋɛ nɛ loŋ beeŋ wora.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Romebi 5:17

Kashenteŋ nna fanɛ esa koŋwule be kulubi so nɛ luwu ba kaa ji kuwura basa so, ama kusɔ nɛ esa koŋwule, Yesu Kristo wora na chɔ kumo ga. Ekama malɛ nɛ e sɔ Ebɔrɛ be kuwɔr be kakɛ damta na nɛ mbe alelasheŋ be kakɛ na, beeŋ bɔla Kristo so a wɔ ŋkpa to a ji kuwura.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

Kelaraŋŋini 20:6

Ketiŋi luwu to juŋkparso nna na. Kagbenefuli nɛ kebaawɔtɔ cheembi la bekama nɛ b ti bumo nɛ baaŋ tiŋi luwu be ketiŋi juŋkparso na to so. Luwu nyɔsopo na maŋ kɔ eleŋ bumo so. Baaŋ ki Ebɔrɛ nɛ Kristo be bɔrɛmatapoana, bumo alɛ beeŋ tu mo n ji kuwura nfɛ kagboŋ.

Kelaraŋŋini 21:11

Nɛ kadegboŋ na kikɛ sɔ Ebɔrɛ be kemaŋkura a nyɛkpɛ so palpal fanɛ kejembubi mo nɛ baa tre jaspa nɛ k bee wu to fanɛ abɔrɛjembubi na.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.