Kelaraŋŋini 22:4 - EBƆRƐ BE KAWƆL

⁴ Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.

Kelaraŋŋini 22:4 ပူးပေါင်းရင်းမြစ်များ

Job be kawɔl 33:26

Kumo be kaman nɛ b kule Ebɔrɛ nɛ e nu, nɛ b ta kagbenewushi m bunyaŋ Ebɔrɛ, nɛ e naŋ shin nɛ asheŋ e nyalɛ n sa bumo.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Nshɛ 4:6

Basa damta bee kule Ebɔrɛ nna a kaŋɛ le: “Enyɛnpe Ebɔrɛ nɛfa anyi, nseŋ wu anyi kuwɔr.”

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Aizaaya 33:17

Ade kikɛ be kaman, menyeeŋ naŋ wu ewura ko ka bee ji kuwura kemaŋkuraso ashi kasawule nɛ k dese n sɔ kaplɛkama a yɔ na so.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Ezikɛl 33:23

Ade kikɛ be kaman, nɛ Enyɛnpe Ebɔrɛ na naŋ kaŋɛ ma le.

Matiu 5:8

Kagbenefuli la bekama nɛ kulubi kama maŋ wɔ bumo be ŋgbene to na peya nna, ŋkpal manɛ so, baaŋ wu Ebɔrɛ.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.

Kelaraŋŋini 3:12

Ekama nɛ e kɔ m pɔɔ so, meeŋ ta mo ŋ ki ma Ebɔrɛ be lambu to be shabɔrɛ. Mo alɛ maaŋ naŋ lar kumo to kikɛ nɛ n sibɛ ma Ebɔrɛ be ketre nɛ ma Ebɔrɛ be kadegboŋ be ketre n deŋi mo so. Kade na e la Jerusalɛm popɔr nɛ k bee shi ma Ebɔrɛ kutɔ ashi ebɔrɛso a ba na. Ma alɛ beeŋ naŋ sibɛ ma ketre popɔr n deŋi mo so.

Kelaraŋŋini 7:3

ŋ kaŋɛ bumo le: “Men sa maŋ tɔrɔ kasawule ere ŋko teku ŋko ndibi pɔɛŋ nɛ an ya ta tɔɔnɛ be abersobi n dulgi Ebɔrɛ be anya kikɛ be nsɔto.”