Kelaraŋŋini 22:3 - EBƆRƐ BE KAWƆL

³ Kusɔ kama nɛ Ebɔrɛ so kɔnɔ maaŋ naa wɔ ndoŋ. Ebɔrɛ nɛ Kpakpafɔlbi na be kuwurputi e naaŋ baa wɔ ndoŋ nɛ mbe anya e baa maŋ mo so.

Kelaraŋŋini 22:3 ပူးပေါင်းရင်းမြစ်များ

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Nshɛ 17:15

Meeŋ ba fo anishito, ŋkpal manɛ so, m maŋ wora kulubi kikɛ. M baŋ tiŋi nseŋ wu fanɛ fo wɔ ma kutɔ, ma kagbene beeŋ fuli nna.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Ezikɛl 37:27

Ma nɛ bumo e naa baa wɔ ndoŋ, nɛ m baa la bumo be Ebɔrɛ nɛ bumo alɛ e baa la ma basa.

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Zakareya 14:11

Basa na beeŋ chena Jerusalɛm to ashi kayurwushi so nɛ k maaŋ naaŋ mur kikɛ.

Matiu 25:21

Nɛ mo nyɛnpe kaŋɛ mo le: ‘Mbo, kenya lela nɛ meeŋ tiŋ n yirda. Fo ka baŋ ta gbrɛbi ere n shuŋ le ere nɛ m pin fanɛ meeŋ tiŋ n yirda fo. Amoso, naniere meeŋ ta asɔ damta m bɔɔ fo enɔ. Ba tu ma, fo nyɛnpe a nu ma kuwura to be ebel.’

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 13:32

Nɛ fanɛ Ebɔrɛ malɛ baŋ bɔla ma so n nya kemaŋkura, kumo ere Ebɔrɛ beeŋ maŋkura ma, Ebinyɛn na ashi mo to. Mo alɛ beeŋ naŋ maŋkura ma epul ere to.

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Ditɛronɔmi 27:26

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e maaŋ wora Ebɔrɛ be mbraana kikɛ kasonu na so.” Nɛ basa nɛ b yil Ebal be kebee so na e kaŋɛ: ‘Amɛn!’

Kelaraŋŋini 7:10

Nɛ b boŋ to awɔrso ŋ kaŋɛ le: “Kumɔlga kikɛ shi an be Ebɔrɛ nɛ e tase mbe kuwurputi so nɛ Kpakpafɔlbi na kutɔ nna.”

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.