Kelaraŋŋini 22:20 - EBƆRƐ BE KAWƆL

²⁰ Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!

Kelaraŋŋini 22:20 ပူးပေါင်းရင်းမြစ်များ

Sɔlɔmɔn 8:14

N jipo lela shile manaŋ fanɛ chibir ka shi kebeegboŋ nɛ ndibi nɛ amo be efɛa wɔ ebel yil so na, m ba ma kutɔ.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Baru lela nɛ Jɔn kute na 21:25

Yesu daŋ wora asheŋ damta ko gba n ti so, nɛ b daŋ sibɛ amo be kekama nna n nase, mee tama fanɛ durnya kikɛ gba daa maaŋ tiŋ n nya kakpa n sɔ loŋ be nwɔl na.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 10:37

Ŋkpal manɛ so, loŋ nɛ abɔrɛsibɛ na bee kaŋɛ na fanɛ: “A ka gbrɛbi nɛ esa nɛ e bee ba na e ba, e maaŋ chɛr.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 1:2

nɛ ma alɛ ji asɔ nɛ n wu na kikɛ be shɛda, amo e la fanɛ Ebɔrɛ be kamalga nɛ asɔ nɛ Yesu Kristo malga na kikɛ be asheŋ.

Kelaraŋŋini 2:16

Amoso, men lar loŋ be alubi na to, nɛ mannɛ aloŋ, m maaŋ chɛr nseŋ ba menyi kutɔ m ba ta ma kɔnɔ to be tokobi m ba kɔ bumo.

Kelaraŋŋini 22:10

Kede be kaman nɛ e kaŋɛ ma: “Sa maŋ kaŋ ta le be mmalgawuŋkaŋɛ ere ŋ ŋana wulo to, ŋkpal manɛ so, jemanɛ na bee taga to.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

Kelaraŋŋini 22:18

Mee fiɛ ekama nɛ e nu kewuŋkaŋɛ ere be mmalga mo nɛ a wɔ kawɔl ere to ere so nna fanɛ ekama nɛ e ta kusɔ kama n ti amo so, Ebɔrɛ beeŋ ta etɔrɔ mo nɛ b malga amo be asheŋ kawɔl ere to ere n ti amodoŋwura so.

Kelaraŋŋini 22:7

Yesu yɛ: ‘Men keni, m maaŋ naŋ chɛr nseŋ ba. Kagbenefuli beeŋ baa la ekama nɛ e bee ta mmalgawuŋkaŋɛ nɛ a wɔ kawɔl ere to ere a wɔtɔ mbe kagbene to peya nna.’ ”