Kelaraŋŋini 22:14 - EBƆRƐ BE KAWƆL

¹⁴ Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

Kelaraŋŋini 22:14 ပူးပေါင်းရင်းမြစ်များ

Jɛnesis 2:9

Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Jɛnesis 3:22

Kumo be kaman nɛ Enyɛnpe Ebɔrɛ kaŋɛ mbe kumu le: “Ŋkpal kanyɛn ere ka ji kusɔrso na so, naniere e ki fanɛ anyi to be eko nna a nyi kelela nɛ kulubi to, amoso a maŋ daga fanɛ e naŋ nya ekpa n chuge kedibi mo nɛ k bee sa ŋkpa na malɛ be kusɔrso n ji ŋkaa maaŋ naŋ wu kikɛ.”

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Nshɛ 118:20

Enyɛnpe Ebɔrɛ na be kabunagboŋ na nɛ n da na; basa niŋiso nawule e naŋ tiŋ m bɔla kumo to n luri.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Danɛl 12:12

Kagbenefuli beeŋ baa la bekama nɛ b ji kashenteŋ n ya fo nchɛ kagboŋ nɛ alfa asa nɛ adesa nɛ anu na peya nna.

Baru lela nɛ Jɔn kute na 10:7

Ndoŋ nna nɛ Yesu naŋ kaŋɛ bumo: “Kashenteŋ nɛ mee kaŋɛ menyi na fanɛ ma e du fanɛ kabuna a sa mbolpɔ na.

Baru lela nɛ Jɔn kute na 10:9

Ma e la kabuna na, esa kama nɛ e bɔla ma to n luri, beeŋ nya kumɔlga. Mo alɛ beeŋ baa luri a lar a nya ajibi.

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 4:12

An nananyɛn Jeekɔb e ta ketirbu ere n sa anyi, mo alɛ nɛ mbe mbia nɛ mbe asɔbɔya kikɛ nuu kumo to be nchu, amoso, fo yɛ fo ŋini fanɛ fo chɔ mo nna ŋko nuso?”

1 Kɔrintebi 7:19

Nɛ b ku esa ŋko b maŋ ku mo, k maŋ la shɛŋ. Kusɔ nɛ k tir e la fanɛ men baa bɛ Ebɔrɛ be mmalga naseso so.

1 Kɔrintebi 8:9

Ama men baa da so nɛ le be kamooji mo nɛ men kɔ ere e sa maŋ shin nɛ bumo nɛ b maŋ kɔ eleŋ yirda na to na e tɔr alubi to.

1 Kɔrintebi 9:5

Ma alɛ maŋ kɔ ekpa nna nɛ ŋ kil ebɛsopoche ko n ta mo m bɛ anyi so fanɛ kananɛ Enyɛnpe mo sipoana nɛ Sifas nɛ beshuŋipo mo nɛ b ka na bee wora na a?

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”

Kelaraŋŋini 21:12

Kade na daa kɔ egbal gboŋgboŋi ko nna nsaa kɔ mbuna kuduanyɔ nɛ emalaika kuduanyɔ yil a keni amo so. B daŋ sibɛ Israɛl be nnaŋ kuduanyɔ na be ekama be ketre nna n deŋi kabuna kama so.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.

Kelaraŋŋini 22:7

Yesu yɛ: ‘Men keni, m maaŋ naŋ chɛr nseŋ ba. Kagbenefuli beeŋ baa la ekama nɛ e bee ta mmalgawuŋkaŋɛ nɛ a wɔ kawɔl ere to ere a wɔtɔ mbe kagbene to peya nna.’ ”

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.