Kelaraŋŋini 21:6 - EBƆRƐ BE KAWƆL

⁶ Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 21:6 ပူးပေါင်းရင်းမြစ်များ

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:11

Ndoŋ nna nɛ kache na bishi mo: “To, Ebunyampo, fo maŋ kɔ shɛŋ nfe nɛ fo jɔ nchu ketirbu ere to, ketirbu ere malɛ wɔ nchiŋ nna nɛ nnɛ nɛ feeŋ nya nchu nɛ a bee sa ŋkpa na?

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Romebi 3:24

Ama ŋkpal Ebɔrɛ be kuwɔr be kakɛ nɛ esa maa wora shɛŋ nsaa nya na so, asheŋ naŋ nyalɛ n sa basa, ŋkpal kesɔnyige be ekpa nɛ b bɔla Yesu Kristo so m bugi na so.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

1 Kɔrintebi 2:12

Kiyoyu mo nɛ anyi ere nya na maŋ la durnya ere to peya nna. E shi Ebɔrɛ kutɔ nna, saŋɛ na so, anyeeŋ pin asɔ nɛ Ebɔrɛ ta ŋ kɛ anyi na kikɛ nyam.

1 Kɔrintebi 3:12

Beko bee ta shuwa ŋko gbiti ŋko ajembu mo nɛ amo be yawu du kpakpa nna a pɔr a yili gbaltɔlase na so nɛ beko malɛ bee ta ndibi ŋko afitiri ŋko atuweklaŋ a pɔr a yili gbaltɔlase na so.

1 Kɔrintebi 3:21

Amoso, ekama e sa maa puchi edimɛdi so, ŋkpal manɛ so, kusɔ kikɛ nyam la menyeya nna.

1 Kɔrintebi 3:5

Manɛ e la Apɔlɔs ŋko manɛ e la ma Pɔɔl? Anyi maŋ la shɛŋ, an baa la beshumpo mo nɛ men bɔla anyi so nna m ba yirda. An be ekama daŋ baa wora kushuŋ mo nɛ Ebɔrɛ ta m bɔɔ mo enɔ na nna.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 10:6

nseŋ bɔ esa nɛ e wɔ ŋkpa to mbaanaayɔ na, emo nɛ e to ebɔrɛso nɛ asɔ nɛ a wɔ kumo to na kikɛ nseŋ to kasawule nɛ asɔ nɛ a wɔ kumo to na kikɛ nseŋ naŋ to teku nɛ asɔ nɛ a wɔ kumo to na kikɛ nseŋ kaŋɛ le: “K maaŋ naŋ chɛr nɛ saŋɛ na e fo.

Kelaraŋŋini 16:17

Nɛ malaika shunusopo na ta mbe katishaŋ nɛ agbo na n chulgi n wurge esoso nɛ ebɔl ko shi bɔrɛlambu na to awɔrso ŋ kaŋɛ: “Asheŋ na wora.”

Kelaraŋŋini 22:13

Ma e la Alfa nɛ Omega, Faraŋko nɛ Lalaloge nɛ Ejuŋkparpo nɛ Emantopo na.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”