Kelaraŋŋini 21:5 - EBƆRƐ BE KAWƆL

⁵ Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”

Kelaraŋŋini 21:5 ပူးပေါင်းရင်းမြစ်များ

Aizaaya 42:9

Asheŋ kama nɛ ŋ kaŋɛ fanɛ a beeŋ wora na wora kashenteŋto. Naniere meeŋ naaŋ kaŋɛ fo asheŋ popɔr pɔɛŋ nɛ a fara a wora.”

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Luuk 5:38

Kashenteŋto, nsa popɔr daga asɔ popɔr to be keluri nna!

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Hibruwebi 12:27

Kananɛ e kaŋɛ ere ŋini fanɛ e beeŋ tia asɔ nɛ b to nɛ a beeŋ tiŋ ŋ gbuŋgbuŋ to na nna na. E beeŋ wora loŋ nɛ asɔ nɛ a maaŋ tiŋ ŋ gbuŋgbuŋ to na e ka.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:19

Amoso, sibɛ asɔ nɛ fo wu ere, asɔ nɛ a wɔtɔ naniere nɛ amo nɛ a beeŋ wora kachako so na n nase.

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 22:19

Ekama malɛ nɛ e lara mmalga ashi abɔrɛsheŋ wuŋkaŋɛ be kawɔl ere to, Ebɔrɛ beeŋ lara mbe kachigeso ashi ŋkpa be kedibi be asɔrso na to nseŋ naŋ lara mbe kachigeso ashi kadegboŋ cheembi nɛ b malga kumo nɛ ŋkpa be kedibi sɔrso be kananɛ a du be asheŋ ashi kawɔl ere to na.

Kelaraŋŋini 22:6

Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.

Kelaraŋŋini 4:2

Epul na to nɛ Kiyoyu Cheeŋ na koso ma kikɛ to nɛ ŋ keni n wu kuwurputi ebɔrɛso nɛ esa ko tase kumo so.

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.