Kelaraŋŋini 21:12 - EBƆRƐ BE KAWƆL

¹² Kade na daa kɔ egbal gboŋgboŋi ko nna nsaa kɔ mbuna kuduanyɔ nɛ emalaika kuduanyɔ yil a keni amo so. B daŋ sibɛ Israɛl be nnaŋ kuduanyɔ na be ekama be ketre nna n deŋi kabuna kama so.

Kelaraŋŋini 21:12 ပူးပေါင်းရင်းမြစ်များ

2 Kronikɛls 9:19

Ebuluŋ be mpɔrduli kuduanyɔ e daa yil atemprembi ashe na ase. Ketemprembi kama be kaba kama daa kɔ buluŋ be kapɔrduli nna m mata kumo. Loŋ be ewura be echenakpa na be kaduli maŋ wɔ efuli kikɛ so.

Ɛzra 9:9

An daa la anya nna, ama fo maŋ yige anyi kenyaya na to. Fo shin nɛ Pɛshiya be bewura wu anyi kuwɔr nseŋ shin nɛ an kraa wɔ ŋkpa to hale nɛ m ba nya ekpa nɛ an ba lɔŋɛ m pɔr fo bɔrɛlambu nɛ k daŋ ki kelambure a dese na. Kumo be kaman, an naŋ nya anyi be amu a wɔ Juda be efuli so nɛ Jerusalɛm be kade to.

Nehemaya 12:27

Jemanɛ nɛ b daa ta Jerusalɛm be egbal nɛ b lɔŋɛ m pɔr na a bɔɔ Ebɔrɛ enɔ na, b daŋ kela n tre Livaiebi nɛ b wɔ Juda be efuli kikɛ so nna nɛ b ba ta alaŋsɔ be yiri yiri m boŋ kapandi be nshɛ m maŋkura Ebɔrɛ.

Nshɛ 122:7

Ebɔrɛ e shin nɛ kayurwushi e baa wɔ kadegboŋ na to; e shin nɛ kayurwushi e baa wɔ ndoŋ be ewurkpaana.

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Ɛksodɔs 28:21

A daga fanɛ b chaŋ n chaŋ Israɛlebi be nnaŋ kuduanyɔ na be ketre kama n deŋi ajembu kuduanyɔ na be kekama so.

Aizaaya 54:12

Yawu kpakpaso be ajembu peper nɛ baa tre rubi na nɛ meeŋ ta m pɔr fo kakpa lempoana na, nseŋ ta ajembu nɛ a bee kpa edɛ na n lɔŋɛ fo mbunagboŋ, nseŋ naŋ ta yawu kpakpaso be ajembu nɛ baa ta a lɔŋɛ abitasɔ na m pɔr egbal ŋ kulti fo.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Ashuŋ Shunso 26:7

Kɔnɔ naseso koŋwule nɛ anyi be basa be nnaŋ kuduanyɔ ebi na bee bunyaŋ Ebɔrɛ kapa nɛ kanyɛ nsaa tama kenya na gbagba chap na. Yiramu, le be tama ere malɛ so nɛ Juwebi na bee ku asheŋ a deŋi ma na.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Kelaraŋŋini 21:13

Mbuna asa e daa wɔ epeŋilarkpa be kaba so nɛ mbuna asa wɔ kelargato be esoso be kaba so nɛ mbuna asa wɔ kelargato be kaseto be kaba so nɛ mbuna asa wɔ epeŋitɔrkpa be kaba so.

Kelaraŋŋini 21:15

Malaika mo nɛ e daŋ malga ŋ kutɔ na daa kɔ shuwa be kekpabi nɛ b kɔ a karga asɔ enɔ to nna nɛ e ta ŋ karga kadegboŋ na nɛ kumo be mbuna nɛ kumo be egbal.

Kelaraŋŋini 21:25

Ndoŋ be mbuna maa ti kikɛ, ŋkpal manɛ so, kanyɛ maa biri ndoŋ kikɛ.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.