Kelaraŋŋini 20:3 - EBƆRƐ BE KAWƆL

³ E ka kre mo n loge nɛ e ta mo n lɛ n wɔtɔ kemaŋ nɛ baa tre Abis to na nseŋ ber kumo so n ta tɔɔnɛ be kebersobi n dulgi kumo n ti so, saŋɛ na so e maaŋ naŋ nya n fule efuliana so ebi, ama nfɛ kagboŋ na ya choŋ nna. Nfɛ kagboŋ na be kaman a daga fanɛ b saŋɛ mo n lɛ gbrɛbi.

Kelaraŋŋini 20:3 ပူးပေါင်းရင်းမြစ်များ

Nshɛ 90:4

Nfɛ kagboŋ du fanɛ kachɛ koŋwule fo kutɔ nna, ŋko kanyɛso be jemanɛ gbrɛbi ko ka choŋ nna.

Danɛl 6:17

B daŋ ta kejembu nna n ti kemaŋ na be kɔnɔso nɛ ewura na nɛ mbe benimuana na ta bumo be tɔɔnɛ be abersobi ŋ dulgi kejembu na saŋɛ na so esa kama maaŋ tiŋ n shin nɛ b bugi Danɛl.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 27:66

Nɛ b yɔ n ya ti nchaŋ na be kabuna so nɛnɛ nseŋ laa kejembu na n dulgi kumo pɔɛŋ nseŋ shin nɛ bekumpo na yili ndoŋ a keni kumo so.

Maak 4:15

Basa ko du fanɛ asɔ duuso nɛ a tɔr ekpa to na nna. B baŋ nu kamalga na nɛ Setani ba epul na to m ba lara kumo bumo be ŋgbene to.

Luuk 8:31

Nɛ ayoyu lubi na kule Yesu fanɛ e sa maŋ shin nɛ b yɔ kemaŋ nɛ k maŋ kɔ ekar na to.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 17:2

Kasawule ere so be bewurgboŋ nɛ sakalechegboŋ na ji abar kesakalea so nɛ durnya ere to be basa malɛ nuu mbe kesakalea be nsa m boo.”

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 20:1

Nɛ n wu malaika ko ka shi ebɔrɛso a ba nɛ kemaŋ mo nɛ baa tre Abis na be esɔfi wɔ mo kutɔ, mo alɛ nseŋ naa kɔ ŋgbɛlɛbi gboŋgboŋi ko mbe enɔ to.