Kelaraŋŋini 20:12 - EBƆRƐ BE KAWƆL

¹² Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.

Kelaraŋŋini 20:12 ပူးပေါင်းရင်းမြစ်များ

Nshɛ 28:4

Gberge bumo kusoe ŋkpal bumo be ashuŋ lubi so; Shin nɛ b nya bumo be asheŋ lubi be kakɔka; n shin nɛ bumo be asheŋ lubi nɛ b wora na kikɛ e laŋɛ bumo so.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 69:28

Bubɔ bumo be atre ashi basa nɛ b wɔ ŋkpa to na be atre be kawɔl na to. Lara bumo ashi bumo nɛ b maŋ wora n jija to.

Aŋasa 24:12

Nɛ fo kaŋɛ fanɛ k maŋ la fo asheŋ, Ebɔrɛ nɛ e nyi nfɛra nɛ aworbi na bre nyi kusɔ so so nɛ fee wora kusɔ kama. Mo alɛ e naŋ ka fo kusɔ kama nɛ fo wora be kukɔ.

Aŋasa 24:29

Sa maŋ kaŋɛ fanɛ: “Meeŋ wora mo n tal to.”

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Matiu 11:22

Amoso, demujiachɛ na asheŋ beeŋ baa bɔ Tayɛ nɛ Saidɔn ebi so a chɔ kananɛ a beeŋ baa du n sa menyi.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Luuk 10:20

Ama men sa maŋ shin nɛ menyi be ŋgbene e baa fuli menyi ŋkpal mbuibi lubiana ka bee nu a sa menyi so. Kusɔ nɛ k daga men ka beeŋ kpal kumo so a shin nɛ menyi be ŋgbene e baa fuli menyi e la b ka sibɛ menyi be atre n nase ebɔrɛso na.”

Ashuŋ Shunso 24:15

Tama koŋwule nɛ basa ere kɔ Ebɔrɛ so na nɛ ma alɛ gba kɔ, kumo e la fanɛ basa lela nɛ belubi kikɛ nyam beeŋ ba tiŋi luwu to.

Romebi 2:6

Kusɔ kama nɛ esa wora, Ebɔrɛ beeŋ ka mo kumo be kukɔ.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.

Kelaraŋŋini 19:5

Ndoŋ nna nɛ ebɔl shi kuwurputi na akpa ŋ kaŋɛ: “Menyi nɛ men la mbe anya na, men di an be Ebɔrɛ na epaŋ, menyi nɛ men ŋana mo na kikɛ, bewurbi nɛ begboŋi kikɛ, men di mo epaŋ.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 20:13

Nɛ etekuana shin nɛ basa nɛ b daŋ wu amo to na lar nɛ luwu nɛ bubuni be kakpa malɛ gba shin nɛ basa nɛ b daŋ wu a wɔ amo to na malɛ gba lar nɛ b yili asɔ nɛ ekama daŋ wora so n ji mo demu.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.