Kelaraŋŋini 20:11 - EBƆRƐ BE KAWƆL

¹¹ Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 20:11 ပူးပေါင်းရင်းမြစ်များ

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Job be kawɔl 9:6

Ebɔrɛ beeŋ tiŋ n shin nɛ kasawule nɛ kumo be gbaltɔlase kikɛ a gbuŋgbuŋ to.

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 47:8

Ebɔrɛ tase mbe kuwurputi cheembi so nna a ji durnya kikɛ so kuwura.

Nshɛ 89:14

Fee ji kuwura ekpa niŋiso so, nsaa ji asheŋ nɛ amo be ekpa so nna. Kasha nɛ kashenteŋji bee dii efuli kusɔ kama nɛ fee wora to nna.

Nshɛ 97:2

Bɔrɛwɔlpa nɛ tentembiri mina e kulti mo n wɔtɔ kaplɛkama. Mo alɛ bee ji mbe kuwura ekpa niŋiso nɛ keji asheŋ nɛ amo be ekpa so nna.

Aizaaya 6:1

Kafɛ nɛ ewura Uzzaya wu na nɛ ŋ ku bɔrɛdare n wu Enyɛnpe Ebɔrɛ na nɛ e tase mbe kuwurputi so kemaŋkura nɛ bunyanso. Mbe kuwurpiŋi daŋ sɔ bɔrɛlambu na be kaplɛkama nna.

Danɛl 2:35

Epul na to nɛ kebɛlso na nɛ ebɔ na, nɛ danyaŋ na, nɛ gbiti nɛ shuwa na kikɛ buri to kpachɛrkpachɛrbi ŋ ki fanɛ gbaŋgbaŋ to be kugooro so be shishɛr na. Nɛ afu ba ta amo kikɛ n choŋ nɛ amo kedodobi gba maŋ ka. Ama kejembu nɛ k ŋmɛa kumo m bure to na bre wora kishi nna hale ŋ ki kebeegboŋ m buu kasawule kikɛ so.

Danɛl 7:10

Nɛ edɛ be adondulombi shi mo kutɔ a teŋi fanɛ lɔr na. Basa ŋgboŋto ŋgboŋto daa wɔ ndoŋ nna a shuŋ mo, nɛ ŋgboŋto malɛ be ŋgboŋto yil mbe anishito. Ndoŋ nna nɛ demu be keji fara, nɛ b bugi nwɔl to.

Matiu 11:22

Amoso, demujiachɛ na asheŋ beeŋ baa bɔ Tayɛ nɛ Saidɔn ebi so a chɔ kananɛ a beeŋ baa du n sa menyi.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.

Kelaraŋŋini 12:8

Ama kusɔ gbeyeso na nɛ mbe emalaika be eleŋ daa maŋ fo Maikel nɛ mbe emalaika peya so, amoso, b daa maŋ naŋ nya kakpa ebɔrɛso n chena.

Kelaraŋŋini 16:20

Esa daa maŋ naa wu kebeegboŋ kama, nɛ kepla kama malɛ daŋ foe.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.

Kelaraŋŋini 21:1

Ndoŋ nna nɛ n wu ebɔrɛso popɔr nɛ kasawule popɔr, ŋkpal manɛ so, ebɔrɛso dra na nɛ kasawule dra na daa maŋ naa wɔtɔ nɛ etekuana malɛ gba daa maŋ naa wɔtɔ.

Kelaraŋŋini 21:5

Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”

Kelaraŋŋini 4:2

Epul na to nɛ Kiyoyu Cheeŋ na koso ma kikɛ to nɛ ŋ keni n wu kuwurputi ebɔrɛso nɛ esa ko tase kumo so.

Kelaraŋŋini 6:14

Ndoŋ nna nɛ awɔlpa na fara a foe ma anishito fanɛ b ka bee bɔɔ kelaŋ to na, nɛ kebee kikɛ nɛ kepla kikɛ tia ashi amo be eyilikpaana.