Kelaraŋŋini 20:10 - EBƆRƐ BE KAWƆL

¹⁰ Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.

Kelaraŋŋini 20:10 ပူးပေါင်းရင်းမြစ်များ

Danɛl 7:11

Ŋ kraa keni nna nsaa nu kelambɛbi na be mpuchi. Nseŋ wu b ka mɔ kusɔbɔya nasopo na n ta kumo n lɛ edɛ wuloŋ wuloŋ na to nɛ k chɔ m mur.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Maak 9:44

[Ndoŋ basa be ashushombi maa wu kikɛ nɛ edɛ na malɛ maa duŋ kikɛ.]

Kelaraŋŋini 16:13

Ndoŋ nna nɛ n wu ayoyu lubi asa ko ka du fanɛ etaŋgbaga n shi kusɔ gbeyeso na nɛ kusɔbɔya juŋkparso na nɛ anebi fɛpo na be nnɔ to n lar.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 20:8

Nɛ e lar n fule efuliana so ebi ashi kasawule so be abonfu ana kikɛ, bumo e la Gɔg nɛ Magɔg ebi na n shɛr bumo nɛ b kɔ kena. Bumo be keshi daa sa fanɛ teku ase be shishɛr.

Kelaraŋŋini 9:17

Egbaŋɛ nɛ bediipo mo nɛ n daŋ wu bɔrɛdare na to na daa du le nna: Bumo be ŋgbene so be asɔ kuŋso daŋ pere nna kpaiŋ fanɛ ŋklaŋ nseŋ naŋ nyɔɔ tuum fanɛ gra n naa la kachɔnɔnyifu fanɛ jɛrbi. Egbaŋɛ na be amu daa du fanɛ ebuluŋ be amu nna nɛ edɛ nɛ edishi nɛ asɔ chɔɔso ko fanɛ jɛrbi shi bumo be nnɔ to n lar.