Kelaraŋŋini 2:27 - EBƆRƐ BE KAWƆL

²⁷ nɛ amodoŋwura na e ta kagbene kpakpaso n ji kuwura bumo so n wora bumo fanɛ kananɛ esa bee kaa buri kaba to na. Eleŋ na beeŋ baa du fanɛ kananɛ ŋ gbagba nya eleŋ ashi n Tuto kutɔ na.

Kelaraŋŋini 2:27 ပူးပေါင်းရင်းမြစ်များ

Nshɛ 49:14

B du fanɛ mbolpɔ nna nɛ luwu bee kpa bumo a yɔ bumo be nchaŋ to. Ebɔrɛ be basa e naŋ ji bumo so kuwura chipurso nɛ bumo be eyurana e baa dese nchaŋ to a bɛ.

Aizaaya 30:14

Men ki fanɛ kapuya nɛ k bure to kpachɛrkpachɛrbi nna nɛ kumo be kapɛlanfu kama maaŋ tiŋ n chɔ edɛ ŋko m jɔ nchu.”

Jɛremaya 19:11

nseŋ kaŋɛ bumo kusɔ nɛ e bee shin nɛ e kaŋɛ ere. E yɛ: “Meeŋ shin nɛ Juda be efuli na nɛ Jerusalɛm be kadegboŋ ere e bure fanɛ kananɛ kapuya ere bure nsaa maŋ naa kɔ kebela n chuge abar so ere. Basa beeŋ ta bumo be bubuni m ba kaa puli Tɔfɛf nfe, ŋkpal manɛ so, kakpa maaŋ naa wɔtɔ kaplɛkama nɛ b baa puli bubuni.

Danɛl 7:18

Ama Enyɛnpetale Ebɔrɛ na e ta kuwurji na n sa mbe basa laraso nɛ k baa la bumo peya hale mbaanaayɔ.”

Danɛl 7:22

Nɛ emo nɛ e maŋ kɔ sososo nɛ lalaloge na ba ji n chɛ mbe basa laraso to ŋkpal saŋɛ ka fo nɛ e ta kuwurji na n sa bumo so.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Luuk 22:29

Kananɛ n Tuto lara ma nɛ ŋ ki ewura na nɛ ma alɛ gba bee lara menyi nɛ men ki bewura n tu ma

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Kelaraŋŋini 12:5

Ndoŋ nna nɛ kache na kurge ebinyɛn mo nɛ e beeŋ ba ta kagbene kpakpaso n ji efuli kama so ebi kuwura. Kache na ka kurge kebia na nɛ b ba fuu kebia na epul na to n yɔ Ebɔrɛ nɛ mbe kuwurputi ase.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.