Kelaraŋŋini 2:14 - EBƆRƐ BE KAWƆL

¹⁴ Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Kelaraŋŋini 2:14 ပူးပေါင်းရင်းမြစ်များ

Aizaaya 57:14

Ade be kaman nɛ Enyɛnpe Ebɔrɛ naŋ kaŋɛ le: “Men lɔŋɛ ekpa nseŋ lara ajembu nɛ keyimu kikɛ kumo so n sa ma basa nɛ b bɔla kumo so m bɛta m ba ma kutɔ!

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Ezikɛl 3:20

Kede be kaman, nɛ esa nɛ e bee wora alelasheŋ yige alelasheŋ be kewora nsaa wora alubi, nɛ n shin nɛ e luri kebaawɔtɔ kpakpaso ko to, nɛ fo maŋ fɛa mo so, e beeŋ wu ŋkpal mbe alubi so. M maaŋ nyiŋi mbe alelasheŋ nɛ e wora na be kukoŋwule gba. Ma alɛ beeŋ ta mbe luwu na m bɛ fo.

Ezikɛl 44:12

Ama ŋkpal Livaiebi ere ka chɛ Israɛl be basa na to jemanɛ nɛ b daa shuŋ agbirana na so, ma, Enyɛnpetale Ebɔrɛ na bee nase kɔnɔ nna fanɛ Livaiebi na beeŋ nya kasogberge.

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Nɔmbɛs 31:16

Bumo e daŋ bɛ Balaam be keŋini so n fule Israɛlebi na nɛ b kini Enyɛnpe Ebɔrɛ n ya ka shuŋ kegbir nɛ baa tre Baal ashi Piyɔɔ, nɛ Enyɛnpe Ebɔrɛ shin nɛ aleblawu ba mbe basa so na.

Nɔmbɛs 31:8

n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Matiu 18:7

Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ashuŋ Shunso 21:25

To, nnyamase nɛ b ki bebɛsopo na malɛ, an sibɛ kawɔl n shuŋi bumo fanɛ b sa maŋ naa ji nlɔŋɛjibi ŋko ŋklaŋ ŋko a we kusɔbɔya kama nɛ b maŋ teŋ, nseŋ naŋ kaŋɛ bumo fanɛ b baa gelge kubojuaji gba.”

Romebi 11:9

Ewura Deevid malɛ yɛ: “Ebɔrɛ e shin nɛ b gelge ŋ gben nɛ b so m pɛ bumo ashi bumo be ejikpa. Ebɔrɛ e shin nɛ b tɔr nseŋ shin nɛ b gberge bumo kusoe.

Romebi 14:13

Amoso, men shin nɛ an yige kebaawu abar alubi be asheŋ n lɛ. Kusɔ nɛ k daga fanɛ men baa wora e la fanɛ men sa maŋ kaŋ ta shɛŋ shɛŋ ŋ kagle men niopibi kama ekpa nɛ e fiti n tɔr kulubi to.

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

Romebi 9:32

To, nɛ manɛ e ba nɛ bumo alɛ maŋ nya loŋ be kebaawɔtɔ na? Kusɔ nɛ k ba e la fanɛ b daa maŋ ta yirda n fin bumo nɛ Ebɔrɛ be nferinto be kelela na, b daŋ ta ashuŋ shunso nna a fin kumo. Amoso, b daŋ fiti kejembu nɛ basa bee fiti kumo so na nna.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 7:2

Ama ŋkpal kesakalea ka shi ga so, a daga fanɛ enyɛn kama ka ta mo gbagba be eche nɛ eche kama malɛ gba e baa kɔ mo gbagba mo kul.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Joshuwa 24:9

Zippɔ pibinyɛn Balak nɛ e la Mowab be efuli so be ewura na ka daŋ wora shiriya nɛ e ya kɔ Israɛl kena, e daŋ shuŋi Biyɔɔ pibinyɛn Balaam nna fanɛ e ya sho menyi kɔnɔ.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

Kelaraŋŋini 2:4

Ama kusɔ lubi nɛ n wu menyi so nde fanɛ men lɛ men be sososo be kasha na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.