Kelaraŋŋini 2:10 - EBƆRƐ BE KAWƆL

¹⁰ Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 2:10 ပူးပေါင်းရင်းမြစ်များ

Nshɛ 31:23

Menyi Ebɔrɛ be basa e baa sha Enyɛnpe na. Ŋkpal manɛ so, e bee kuŋ beshenteŋjipo nna, nsaa gberge kamoowuwuraana bre kusoe kananɛ k daga bumo.

Nfabel 3:57

Nseŋ kaŋɛ ma fanɛ n sa maa lɔ kufu.

Danɛl 1:12

“Jande ta nchɛ kudu n sa anyi epofantaŋ nɛ nchu nawule n wora anyi ŋ keni.

Danɛl 1:14

Ndoŋ nna nɛ ekumpo na shuli nseŋ shin nɛ b wora loŋ nchɛ kudu.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Maak 13:13

Ekama beeŋ kishi menyi ŋkpal ma so. Ama esa kama nɛ e ji kanyiti n ya fo lalaloge na beeŋ nya kumɔlga.

Maak 8:35

Ŋkpal manɛ so, esa kama nɛ e bee sha mbe ŋkpa ga, beeŋ paŋ kumo, ama ekama nɛ e paŋ mbe ŋkpa ŋkpal ma so nɛ baru lela na so, beeŋ nya kumo.

Luuk 21:12

Ama pɔɛŋ nɛ le be asheŋ malɛ kikɛ e wora, basa beeŋ pɛ menyi n tɔrɔ menyi a ta menyi a bɔɔ nshɛrbuana to be benimuana enɔ nsaa ti menyi ebuana. Basa beeŋ kpal ma ketre so n yɛr menyi bewurgboŋana nɛ egomena be anishito.

Baru lela nɛ Jɔn kute na 12:25

Esa kama nɛ e bee sha mbe ŋkpa ga beeŋ paŋ kumo, ama ekama nɛ e maa ta mbe ŋkpa ere a tre shɛŋ durnya ere to, beeŋ nya mbe ŋkpa nɛ kebaawɔ ŋkpa ere to mbaanaayɔ.

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

Baru lela nɛ Jɔn kute na 13:27

Judas ka baŋ sɔ bodobodo na nɛ Setani luri mo to. Nɛ Yesu kaŋɛ mo: “Kusɔ nɛ fee sha kewora ere, fo wora kumo manaŋ manaŋ.”

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

1 Kɔrintebi 9:25

Ekama nɛ e beeŋ ki eshilepo bee keta mbe kumu nna nɛnɛ kenishipereso. Baa kaa wora loŋ nna, saŋɛ na so, baaŋ ji kɔŋkɔŋ n nya kusɔ nɛ k maaŋ chɛr nseŋ jija, ama anyi ere, kusɔ nɛ k maa jija so nɛ anyee wora loŋ.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 6:12

Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 13:2

Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.